深仔記

Open Now

Now Closed

香港傳統特色的食物：雲吞麵，水餃麵，炸醬麵及牛腩麵等等⋯⋯⋯叫左個套餐柱候牛腩菜飯，加碟油菜，加碟青瓜海蜇及汽水或豆漿跟餐，另外叫碗鳯城水餃麵，加埋人均消費只係$55。好抵。柱侯牛腩菜飯，餸及飯分開上，唔使D飯濕晒，淋晒及咁肥。好香柱侯味，味道唔系太咸，除牛腩外，仲有好多牛筋，牛筋牛腩大大嚿好淋，唔鞋口。仲有鮮甜蘿蔔，蘿蔔好甜入晒柱侯汁味，但蘿蔔批皮未淨，有D喳。水餃麵，水餃多含料，饀料新鮮，有鮮蝦，豬肉，有爽口的雲耳，餡料比例均衡，食落有爽口及蝦鮮味出來。麵底爽口彈牙，比得上貴價店的麵店。