Video
Read full review
2024-07-21
8830 views
平時搭叮叮經過上環都會見到一個幾懷舊嘅茶樓招牌🚃原來呢間六安居嘅前身係蓮香居，伙記都係原班人馬，入邊嘅環境完全係傳統茶樓嘅格局🍵見其他網上介紹中午仲會有點心車添，不過今次就想嚟試下晚飯嘅懷舊菜先，餐牌嘅選擇非常多😳價錢比想像中平，一款普通小菜都係大概$100左右，仲有啲晚飯特價孖寶添🤩豉油王鵝腸（例） $98第一次食豉油王炒鵝腸，條條鵝腸都好夠色水😎而且加咗大量嘅薑蔥絲喺面，鵝腸處理得好乾淨，冇咩肥膏，質感好爽脆，而且有啲會連住少少肝，多一陣甘香嘅味道😋底下亦都有啲芽菜墊底，啲芽菜索晒汁好啱撈飯食🍚雞蛋焗魚腸 $118好耐冇食過呢味懷舊菜，而家都唔係好多地方有得食🧐要先蒸後焗，好花功夫，一上枱已經見到焗得好靚😍入面都好足料，有魚腸、魚肝、冬菇絲、陳皮絲、火腿同埋芫荽等，面頭就舖咗啲油條，同樣啲食材都處理得好好，唔會有腥味🤓啫啫滑雞煲 $98一拎埋嚟已經聞到好香🤤啲紅蔥頭同蔥爆得好香🧅同其他地方唔同，呢度冇落豬潤，而雞件份量都幾多🐔非常之惹味，忍唔住連啲配料都食晒😆西米焗布甸 $37又係另一款傳統菜式，平時原來要預訂先有😳好在今日有其他客人訂咗大size嘅西米布甸，有多一兩個細嘅賣🫣布甸
豉油王鵝腸（例） $98
第一次食豉油王炒鵝腸，條條鵝腸都好夠色水😎而且加咗大量嘅薑蔥絲喺面，鵝腸處理得好乾淨，冇咩肥膏，質感好爽脆，而且有啲會連住少少肝，多一陣甘香嘅味道😋底下亦都有啲芽菜墊底，啲芽菜索晒汁好啱撈飯食🍚
雞蛋焗魚腸 $118
好耐冇食過呢味懷舊菜，而家都唔係好多地方有得食🧐要先蒸後焗，好花功夫，一上枱已經見到焗得好靚😍入面都好足料，有魚腸、魚肝、冬菇絲、陳皮絲、火腿同埋芫荽等，面頭就舖咗啲油條，同樣啲食材都處理得好好，唔會有腥味🤓
啫啫滑雞煲 $98
一拎埋嚟已經聞到好香🤤啲紅蔥頭同蔥爆得好香🧅同其他地方唔同，呢度冇落豬潤，而雞件份量都幾多🐔非常之惹味，忍唔住連啲配料都食晒😆
西米焗布甸 $37
又係另一款傳統菜式，平時原來要預訂先有😳好在今日有其他客人訂咗大size嘅西米布甸，有多一兩個細嘅賣🫣布甸嘅色澤金黃，入口係吉士嘅味道🍮比起喺其他地方食過嘅相對冇咁甜，特別鍾意佢中間有啲芋蓉，有多啲層次😙
Post
