Video
Read full review
2024-07-27
145 views
今次跟朋友來到位於佐敦的一間港式煲仔飯老字號飯店-憶尚食臘味煲仔飯餐廳是香港傳統老字號的菜館，主打廣式煲仔飯、臘味及小菜。雖然是老字號鋪頭，但裝潢就一點都不舊，看看掛滿壁畫的樓梯已經既充滿特色品味又新穎，所有裝潢用具亦十分新淨。而且餐廳座位寬闊，空間環境都滿分👍🏻而食物方面質素亦都十分之高，有意外驚喜：🍚廣式臘味煲仔飯這個煲仔飯配以臘肉、臘腸、臘鴨三種不同的臘味。飯方面佢成功將臘味嘅精華同汁在烹調嘅過程之中全部流入飯裏面，配上適量嘅蔥花同頭抽豉油吊出味道，飯做到粒粒分明而且有飯焦，但又唔會過分乾身。臘味方面，臘肉半肥瘦，不會太乾爭爭及太油淋淋，而醃製味道亦都啱啱好；臘鴨應該係用咗啲比較細嘅鴨仔，雖然係臘鴨，但肉身仍然嫩口，即使醃製之後唔會感覺太嚡太難入口；臘腸瘦肥剛好，整體送飯簡直冇得頂。🐷咕嚕肉皮薄外脆內軟肉質口感上乘，而且配上調校得啱啱好酸酸甜甜嘅咕嚕肉汁，絕對不是普通餐廳的水準。同時配菜用上新鮮菠蘿，三色椒同炒到啱啱好（唔會太生太熟）的紫洋蔥，成功令菜式鮮味提升。🍲瑤柱蝦米雜菜煲一打開煲蓋，已經聞到強烈既瑤柱同蝦米味，十分香很吸引！！餐廳用了高湯底，再配上大量嘅蒜頭，令唔同嘅時蔬
餐廳是香港傳統老字號的菜館，主打廣式煲仔飯、臘味及小菜。雖然是老字號鋪頭，但裝潢就一點都不舊，看看掛滿壁畫的樓梯已經既充滿特色品味又新穎，所有裝潢用具亦十分新淨。而且餐廳座位寬闊，空間環境都滿分👍🏻
而食物方面質素亦都十分之高，有意外驚喜：
🍚廣式臘味煲仔飯
這個煲仔飯配以臘肉、臘腸、臘鴨三種不同的臘味。飯方面佢成功將臘味嘅精華同汁在烹調嘅過程之中全部流入飯裏面，配上適量嘅蔥花同頭抽豉油吊出味道，飯做到粒粒分明而且有飯焦，但又唔會過分乾身。臘味方面，臘肉半肥瘦，不會太乾爭爭及太油淋淋，而醃製味道亦都啱啱好；臘鴨應該係用咗啲比較細嘅鴨仔，雖然係臘鴨，但肉身仍然嫩口，即使醃製之後唔會感覺太嚡太難入口；臘腸瘦肥剛好，整體送飯簡直冇得頂。
🐷咕嚕肉
皮薄外脆內軟肉質口感上乘，而且配上調校得啱啱好酸酸甜甜嘅咕嚕肉汁，絕對不是普通餐廳的水準。同時配菜用上新鮮菠蘿，三色椒同炒到啱啱好（唔會太生太熟）的紫洋蔥，成功令菜式鮮味提升。
🍲瑤柱蝦米雜菜煲
一打開煲蓋，已經聞到強烈既瑤柱同蝦米味，十分香很吸引！！餐廳用了高湯底，再配上大量嘅蒜頭，令唔同嘅時蔬成功吸收晒湯底同配料嘅精華，食到蝦米同乾瑤柱帶出的濃濃鮮味。
下次會帶埋家人再試其他菜式=］
Post
