正九清湯腩 (餘慶大廈)

Open Now

Now Closed

之前食過其他分店，行行下又見到佢，就喺廟街夜市對面。原來佢都幾多分店。呢間清湯腩平靚正👍牛腩仲可以揀崩沙腩/坑腩/爽腩，肥/瘦/半肥瘦，麵底可以揀米粉/河粉/擔擔麵/伊麵/上海麵，幾多選擇，幾正。🍜清湯牛三寶伊麵+$5就可以轉伊麵，伊麵索埋個湯，好好食。清澈嘅湯頭,唔油，用新鮮牛腩牛骨熬製，有濃鬱牛味，好味清甜！牛三寶有牛腩、牛筋、牛肚，一次過樣樣有d，份量都好足，牛肚都好軟淋😋🍜清湯爽腩河腩又叫牛白腩，其位置在的牛的腹部正下方，與坑腩連接。它肉連筋膜，口感煙韌軟糯，表層附有一層薄軟膠質，肥瘦分層非常明顯。🥬健康飲食梗係加個油菜，叫左芥蘭，default既係蠔油芥蘭，落單轉話配腩汁，個人覺得無蠔油咁咸，又健康又好味d。呢度除咗牛之外，都有一般粉麵檔嘅魚蛋雲呑等等，所以唔食牛嘅都可以食其他，平靚正一餐。