請坐 (Moved) New Location

同事同我咁啱屋企都冇飯食，擇日不如撞日一齊嚟食好多人推介嘅台式美食。夜晚八點幾嚟到，全鋪滿座，但門外冇人排隊，等咗幾分鐘就有人走可以入座。店面keep得好乾淨，鋪位雖小但座位唔算太迫。由於多人幫襯，呢度寫明用餐時間45分鐘，其實都好夠了。蛋餅係鎮店之寶一定要食，今次揀咗九層塔蛋餅。餅皮同蛋捲埋一齊感覺嫩滑，加埋九層塔嘅香味成件事就更有味道滷水拼盤，最有驚喜係豆腐，相當入味。蛋亦夠幼滑，反而雞翼顯得有點失色了。紅燒牛肉麵，份量好足！麵有咬口，湯底鮮甜微辣而不太油，牛肉夠淋，不過略肥。滿足嘅一餐，提一提呢度收加一。