GYU TOWN 牛舌專門店

Open Now

Now Closed

香港好少呢類專食牛舌既餐廳，係日本有好多，基本上求其一間都會好好食。3年疫情無去過日本，難得開左呢間餐廳就一定要去試下。雖然已經係下午2點，但仍然要排40分鐘，後來到3點左右就見店員截人龍，因為佢地3點半落場。點左鐵板二重牛舌＋套餐（包白飯，湯，沙律同汽水）。牛舌份量幾多，牛舌芯好厚切。牛舌都幾嫩但有輕微羶味，牛舌尖無咁滑，牛舌芯口感好d比較爽。反而個湯有驚喜，以為只係普通既味噌湯，原來係洋蔥牛肉湯，好甜，好好飲。同埋佢個自家製辣醬都幾特別，百零蚊一set, 算係咁，未係去到日本質素。但唔洗排好耐既可以一試。