炸帝x韓卷 (Closed)

今日約左朋友係荔枝角食午餐，友人帶我到呢間餐廳試吓，佢話平時係冇位坐，其實而家個市咁差，連午餐都唔洗等位。呢間餐廳很特別，主打韓國炸物，亦有撈麵，選擇不多，但亦都有好多野想試，我地點左2個午市套餐，包罐裝飲品，雖然是罐裝飲品，但也有熱的，很窩心。韓卷套餐- 韓卷加炸物，份量都ok，如果男仔食就會唔夠飽，味道都可以。撈烏冬套餐 - 烏冬加炸物，撈烏冬的味道很特別，不像韓國style，有一點麻辣味道，好好味，值得一試，炸物之中，魚蛋和蟹柳最好食，其他也不錯，不會太淋，熱辣辣的。