蘇媽.蘇媽馬來西亞美食店 (Closed)

聽聞深水埗多左好多新野食，抱住掃街心態黎搵食。行過見到少有既馬拉野食，仲要咁過癮坐街邊夠晒風味。唔食乜好就問個收銀姨姨，姨姨好好人問食唔食得辣，就推介左老鼠粉同福建蝦麵，為食就叫埋串燒。menu寫得非常清楚有啲乜材料唔食得辣既食福建蝦麵（大），都真係幾大碗，個湯椰味香濃，麵係油麵，鐘意佢配料多，最正就係果匙辣醬🤤有啲蝦米粒辣得黎香。老鼠粉即銀針粉用馬拉醬油蝦米蔥花靜撈撈下，味道穩陣。飲品係檸檬薏米同羅漢果茶味道正常。串燒就無乜肉，但個腌料就幾好食。佢啲沙嗲係好杰身有種魚露香，唔似普通花生醬加辣椒溝出黎既。賣嘢食個姨姨自己燒完都自己食咗幾串😂問我地好唔好食，佢自己都話串燒好食