刈Bao台式創意小食 (Closed)

🧑🏻‍🎓講起掃街食小食嘅地方，好多人都一定會諗起葵廣。以前中學嘅時候間唔中都會去葵廣行下街食下嘢咁，不過近排再去嘅時候發現葵廣唔同咗好多，好多舊舖都無咗，多咗好多唔同嘅新舖頭。3️⃣喺葵廣嘅3樓嘅TOP世界入面就有條美食街，入面有好多間唔同嘅小食，仲要大部份都係黃店，今次就揀咗間食台灣嘢嘅刈Bao台式創意小食試吓！🍔台式刈Bao喺台灣就見唔少，反而香港就比較少見，對P仔嚟講佢嘅感覺就好似係中式嘅Burger，用類似饅頭嘅包夾住唔同嘅材料，傳統上好似會用滷過嘅五花腩肉，而佢哋除咗有傳統腩肉仲會有黑松露雞、麻辣雞同鰻魚之類，款式比較多。🍗黑松露雞刈包 套餐 HKD 42今次P仔就揀咗佢哋比較特別嘅黑松露雞刈包，雖然睇落好似係饅頭，但係佢比饅頭更加軟，而且唔會好乾好實；而雞肉就炸過，雖然擺咗陣，但係唔會話好油同好稔，配埋沙律醬同黑松露醬好香好好食！🍤另外呢個套餐除咗刈包仲會包一樣炸物小食，好似鹽酥雞、甜不辣同地瓜球等等，而一向鐘意食炸菇嘅P仔就揀咗佢哋嘅香酥杏鮑菇。🍄杏鮑菇一共就有6-7舊，外層用炸漿包住炸，嗰皮唔會好厚，雖然擺咗一陣先食，但係都唔會稔晒，仲有少少脆；另外個