茹絲葵牛排餐廳

Ruth Chris 係美國著名嘅連鎖扒房，喺香港有兩間分店，包括喺金鐘同埋尖沙咀。嗰日我哋為咗慶祝周月紀念去咗金鐘嘅分店餐廳慶祝。餐廳內部環境燈光陰暗，以古典歐洲風格裝飾，牆上邊亦都掛上油畫，非常有格調。餐廳安排咗我哋坐卡位，座位非常舒適。職員好有心機咁同我哋講解左餐牌，亦都推介左校受歡迎嘅菜式俾我哋。我哋最後選擇咗食蟹餅同埋Porterhouse steak。果然冇選擇錯，餐廳選用嘅都係頂級嘅牛肉，一食就食得出。crab cake都好好食，蟹肉超級鮮甜，再加埋佢哋自家製嘅醬汁，淡淡都好滋味。至於甜品，我哋就選擇蘋果批。蘋果批果香非常濃郁，批底鬆脆，再配埋冰凍嘅雲呢拿雪糕，為晚餐帶嚟圓滿嘅句號。