坂奈 (Closed)

響呢條街大家食拉麵就排晒長龍，但其實附近嘅餐廳都臥虎藏龍，要我放工後排咁耐隊等食我真係冇乜心機同精神，咁啱見到呢度有間日本燒魚，響香港真係未食過，大家都知食魚有益有對皮膚好，我哋就一於試吓！我比較早到，6點幾無乜人，但七點半之後人流逐漸，因為得十幾個位關係，我諗大家都係預早book定好啲！我哋被安排坐響吧枱，可以欣賞着廚師嘅製造過程。廚師亦好好，捧上一盤魚俾我地欣賞下同揀心儀嘅一條。我哋揀咗最大嘅赤坴魚，廚師就小心翼翼將魚串好，其實支叉真係好鋒利， 我同友人都動魄驚心。廚師將全好嘅魚用鹽捽匀，放響爐上面燒。呢度選用日本百芳島海鹽。廚師介紹赤坴魚是嘅油脂好豐富，比深海紅鑽石喜之次仲要犀利！我哋就見識一下！果然燒完之後仍然好滑身，肉厚，魚脂好香，外皮燒得黃金香脆！大葉挾日本板魚蛋，見到個名好得意所以點左黎試吓，魚蛋中間嘅係紫蘇葉，紫蘇葉好香，魚蛋好彈牙，魚味好甜。另一個小食亦都好有創意，煙燻蘿蔔芝士，煙燻咗嘅蘿蔔好香，入口爽脆，蘿蔔嘅甜味中夾雜着煙熏味，好特別！同中間嘅芝士亦都好夾。其實呢度嘅茶都茶味香濃，不過蘋果梳打亦都好好味，唔會太甜。响呢度食嘢有質素之餘，我亦都好好彩早到唔使排隊。呢