烏蠅館 (永榮樓) (Under Renovation)

宜家天氣好凍，收工只想食熱嘢，好耐冇食烤魚，今晚encore啦。黑糖桃膠鮮奶，黑糖味好濃厚，飲得出落咗鮮奶，桃膠煲制得好軟糯，好好飲。桂花蜂蜜（熱），落咗大量糖桂花，飲落唔會好甜，好重桂花味TIM。蒜泥白肉，白肉片得好薄身，白肉連著少少皮，食落彈牙爽口，醬汁偏酸辣，同白皮好夾，食多都唔會滯。川式芹菜牛肉紅油水餃，成碗睇落好辣，其實一D都唔辣。紅油食落好香，搭配埋芹菜牛肉餃一流。特色泡椒烤魚（海鱸魚），今日搭配蘿蔔，黑木耳同金菇三款配菜。海鱸魚一如既往啲好味，魚肉超級嫩滑，同埋冇骨，搭配埋泡椒汁，酸中帶點微辣。魚皮鎮落湯底，索曬湯汁味道，食到停唔落口。蘿蔔，金菇同烤魚湯都好夾，好似食咁酸辣火鍋。四川臘腸，我嘅最愛，臘腸肥瘦均勻，食落脆口鮮甜，唔錯。蟹肉棒，好似日本果款蟹列，蟹肉味好重唔會食到麵粉味，好食。