波仔記車仔麵 (Closed)

車仔麵係香港特色之一, 雖然好似只係幾個餸煮埋一碗麵簡簡單單, 但要煮一個令人回味記憶猶新嘅車仔麵就一d都唔簡單,行過見倒，點都要支持下。呢間車仔麵係岩岩新開，灣仔都有間，去到發現老闆店員同顧客嘅關係非常好，應該都係家庭式經營，一入到鋪坐低已經好有親切感。可能裝飾新淨，又有懷舊feel, 吸引左好多後生嘅office 男女。＠＠碗麵一到，飲咗啖湯先，味夠濃以不渴喉，唔覺係味精湯，正！豬紅好滑，夠入味，我加左個辣汁，覺得超正，可能我本身鍾意食辣。所以真係加哂分。香港好多車仔麵個辣都唔好食。所以我地哩d好辣之人，覺得好重要，一個車仔麵，配上一個好食好香嘅辣醬，其實已經加好多分，拎我唸起文記....不過雞中翼就可以做得入味D。我見佢地出名係傳統車仔撈麵，老闆介紹魚餅、雞翼尖、撈油麵好正，加上辣汁唔會因為個湯溝淡左，聽佢咁講，下次真係一定再過黎試下。＾＾