品曲奇 (國際金融中心商場)

Open Now

Now Closed

最近試左一間以香港特色風味為主題的曲奇餅專門店Pin ，唔怕老實講，個包裝同專門店門面靚就好靚，但見到啲味咁「特別」（包括XO醬曲奇、香辣蝦米曲奇 、蔥油雞曲奇、陳皮子薑曲奇、花旗參提子曲奇、七味粉曲奇、紅棗曲奇）初初係有啲擔心😂 但認真係唔錯，幾有驚喜😌 簡單講下幾款，香辣蝦米曲奇係辣得黎，佢既蝦米味好出，咸甜味唔違和，幾惹味！蔥油雞曲奇一開包裝既蔥油味好出，食落有食緊蔥油餅既感覺！七味粉曲奇既after taste幾出，鐘意辣既朋友應該會幾鍾意❤️ 陳皮子薑曲奇係幾特別，子薑味既酸酸辣辣好像真，爸都幾鐘意呢款，岩啲老人家口味🤪依家仲出左全新口味，有鹹蛋蝦膏曲奇、特濃朱古力曲奇、香橙夏威夷曲奇、南乳秋葵曲奇等，下次買黎試下先😎 依家又去唔到旅行，如果有朋友唔係本地人，都幾岩寄住佢試下😅