海老名沾麵

Open Now

Now Closed

海老名每日限量蠔拉麵，湯頭係店家特別為配合呢碗限量麵而煮嘅海鮮雜菜湯，湯頭鮮甜加入雜菜亦增加一份清爽感覺，湯入面仲要係有蠔肉碎，食到咁上下可以將柚子加入湯又變成另一層次亦可減低肥膩感，拉麵配菜有肉碎，燒京葱，翡翠苗，昆布同柚子，蠔用上瀨戶內海產嘅刺身級蠔肉，隻隻都肥嘟嘟脹卜卜，因為係刺身蠔所以唔需要煎太熟，蠔肉口感creamy鮮甜，麵條係中太麵，煙韌有咬口，半熟蛋用上日本蛋，質感軟熟蛋味香濃，而且浸嘅時間亦掌握得好好夠流心，個人覺得呢碗麵定價＄128係抵食嘅，食得出店家嘅用心制作。溫馨提示：蠔拉麵每日限量供應，碗數唔多，最好打電話問左有無先。