Video
Read full review
2020-05-20
2200 views
日式居酒屋推不可能菜式？來自日本的 Uoharu魚治 一向都主打新鮮日本魚料理，最近竟然推出一系列使用 Impossible Foods 的新菜式？很開心見到香港越來越多餐廳踏出素食的第一步，讓平日無肉不歡的食肉獸都有機會接觸新的飲食模式，可能仲會唔小心發現美好新世界呢。魚治本身的餐牌沒有很多蔬食料理，而且很多醬汁豉油都可能有魚類成分，素食者應該唔會特登去食。不過如果要約朋友飲酒傾計，都有燒蔬菜和新推出的Impossible料理可以揀。來自日本的居酒屋品牌，店內空間充滿日式傳統風味，真係好似坐飛機去左日本食咁。我覺得最特別係門口的低門簾，當你低頭進門的時候就像穿越了時間空間，好有巧思。吧檯坐位都好有風味，整個氣氛好適合飲野傾計，連menu都無無酒精飲品。另外非常心思之處就是圖中那張紙，初頭我都無留意寫咩，望望下見到自己個名先知原來係俾我既 XDD (我係日語文盲)除左 Impossible 系列之外，我地都試左五款前菜。日本新鮮蔬菜配那個原來是鯷魚醬，所以唔適合素食者，我就用那些爽口蔬菜配搽麵包的芝士食，因為菜菜本身夠新鮮，所以非常好食。另外燒菇菇和牛油南瓜都好夠味，可以吃得到日本居酒
日式居酒屋推不可能菜式？
來自日本的 Uoharu魚治 一向都主打新鮮日本魚料理，最近竟然推出一系列使用 Impossible Foods 的新菜式？很開心見到香港越來越多餐廳踏出素食的第一步，讓平日無肉不歡的食肉獸都有機會接觸新的飲食模式，可能仲會唔小心發現美好新世界呢。
魚治本身的餐牌沒有很多蔬食料理，而且很多醬汁豉油都可能有魚類成分，素食者應該唔會特登去食。不過如果要約朋友飲酒傾計，都有燒蔬菜和新推出的Impossible料理可以揀。
來自日本的居酒屋品牌，店內空間充滿日式傳統風味，真係好似坐飛機去左日本食咁。我覺得最特別係門口的低門簾，當你低頭進門的時候就像穿越了時間空間，好有巧思。吧檯坐位都好有風味，整個氣氛好適合飲野傾計，連menu都無無酒精飲品。另外非常心思之處就是圖中那張紙，初頭我都無留意寫咩，望望下見到自己個名先知原來係俾我既 XDD (我係日語文盲)
除左 Impossible 系列之外，我地都試左五款前菜。日本新鮮蔬菜配那個原來是鯷魚醬，所以唔適合素食者，我就用那些爽口蔬菜配搽麵包的芝士食，因為菜菜本身夠新鮮，所以非常好食。
另外燒菇菇和牛油南瓜都好夠味，可以吃得到日本居酒屋的細緻味道。
ImpossibleTM Tsukune with Green Pepper (HK$78) (To be launched in Summer)
當晚試食的菜式有部分尚未正式推出，例如這個不可能肉釀燒青椒。我以為係類似「煎釀三寶」咁，但原來舊肉同青椒係分開既，因為我唔鍾意食青椒，可以直接食上面舊肉。舊肉外面有烤得微脆，咬下去有肉汁感，調味帶點甜調，都幾開胃好食。
ImpossibleTM Gyoza (HK$88)
賣相好令人期待的冰花日本煎餃子，個冰花皮脆得來仲甜甜地，餃子皮薄餡靚，入面主要得不可能肉碎和菜碎。我食第一舊的時候入面粉紅色，仲以為半生熟咁神奇，但之後果四隻入面又全熟喎。
吃餃子的時候店員建議配個酸汁食，但睇清楚label發現枝汁有動物成分，所以我研究左一輪，揀左枝梅子豉油點來食。
ImpossibleTM Scotch Egg (HK$98) (To be launched in Summer)
想食蘇格蘭蛋好耐，來看看日本居酒屋style的版本。這個蛋最重點當然是要有溏心，蛋黃不能太熟仲要有要有少少果凍狀，切開即見真辛。不過可能 impossible 不太夠黏的關係，切開之後雞蛋和肉會分離。下面那個是芥末籽醬，吃起來有點wasabi 那種嗆，配著肉和蛋吃夠刺激。
ImpossibleTM Burger Steak with Sukiyaki Sauce Lunch Set (HK$138)
這個迷你小鐵版好可愛，上面除左一塊不可能漢堡扒之外，仲有浸晒汁好好食的番茄和洋蔥，正常lunch set好似仲會配埋飯，用個汁撈飯真係一流。漢堡扒佢想做口感軟軟的路線，我反而覺得如果外面焦香少少會更好食，個汁就係好日式的甜甜照燒汁，好邪惡但好食到唔想停。
餐廳每晚都會有表演，我們吃飯這天是「禾稈草燒魚」，我無諗過會咁大火，有種增廣見聞的感覺，畫面也非常有趣！
Pumpkin Cheesecake
甜品是南瓜芝士蛋糕，非常濃厚口感，而且唔會太甜。不過我食完聽隔離檯素食達人講先知原來有魚膠粉，達人果然是達人。
每道菜的素肉都有唔同調味，而且賣相十分誘人。因為好耐無食過這種style的日式料理，所以我都食得幾開心，尤其d醬料好惹味好好食！
Post
