天下無雙

Open Now

Now Closed

我地諗住去尖沙咀影聖誕燈飾前經過呢間舖頭，見到好多野食，香港街頭小食，車仔麵等，我地就坐低食d野再出發。呢到牆上邊有一幅天星小輪嘅油畫，好符合佢哋嘅位置喺尖沙咀。魚肉燒賣入口煙煙韌韌，好有口感，唔會成口粉，加上甜豉油好味。無雙魷魚份量多，味道辣辣地，香口惹味，口感爽脆可口。另外叫左個自選車仔麵，唔想諗食咩可以揀餐廳設計好嘅，蘿蔔清甜無渣，芝士腸外皮脆卜卜，一咬開爆芝士，豆卜吸收晒腩汁的味道，米粉入口爽滑。蜜桃梳打非常之夠氣，蜜桃汁香甜。