Video
Read full review
2022-09-30
125 views
《吉勝 吉列串揚專門店 – 大角咀》前兩日收工約咗個前同事出嚟飲吓嘢傾偈，我呢個同事又係好鍾意食日本嘢，但係我前幾日先食完壽司又唔想次次都係食魚生，想試吓其他嘢多啲🤔上網搵咗一陣，見到一間應該係食日本炸串嘅餐廳，以前去大阪嘅時候試過一次幾特別，估唔到香港都有🤭唔使諗，即刻過去🥸當日去到都幾多枱客，店舖嘅裝修好有日本風，有一個日本太鼓可以俾人試玩😝但係勁多人喺度🤪我都唔好意思搗亂啦，由於唔太知道佢份量係幾多，我同朋友點得太多嘢食😎最後飽到傻左💁🏻♀️金綫鯛 刺身 $168朋友始終都係好想食刺身，問咗店員有咩介紹，佢哋話今日有金綫鯛魚，切嚟做刺身好鮮甜👍🏻由於價錢OK，所以我哋叫咗一份🐟師傅用火槍將個皮輕輕灸燒，食落油脂甘香，可以配搭柚子鹽或者酸酸地嘅醬汁一齊食💁🏻♀️秋刀 刺身 $128秋刀魚刺身真係第一次試，本來以為會好腥，點知唔會喎，反而係佢嘅魚油味好重，同埋條秋刀魚都幾肥下，食得出啖啖肉同埋有少少煙熏味😋💁🏻♀️串揚拼盤十本 $138炸串係我哋今日嘅目標，但係無從入手，所以就叫咗個廚師發板嘅拼盤，咩都有唔使諗😎拼盤有十串，其實份量都幾多，每人每串都分到少少☺️有鵪鶉蛋、日本迷你甜薯、
前兩日收工約咗個前同事出嚟飲吓嘢傾偈，我呢個同事又係好鍾意食日本嘢，但係我前幾日先食完壽司又唔想次次都係食魚生，想試吓其他嘢多啲🤔上網搵咗一陣，見到一間應該係食日本炸串嘅餐廳，以前去大阪嘅時候試過一次幾特別，估唔到香港都有🤭唔使諗，即刻過去🥸
當日去到都幾多枱客，店舖嘅裝修好有日本風，有一個日本太鼓可以俾人試玩😝但係勁多人喺度🤪我都唔好意思搗亂啦，由於唔太知道佢份量係幾多，我同朋友點得太多嘢食😎最後飽到傻左
💁🏻♀️金綫鯛 刺身 $168
朋友始終都係好想食刺身，問咗店員有咩介紹，佢哋話今日有金綫鯛魚，切嚟做刺身好鮮甜👍🏻由於價錢OK，所以我哋叫咗一份🐟師傅用火槍將個皮輕輕灸燒，食落油脂甘香，可以配搭柚子鹽或者酸酸地嘅醬汁一齊食
💁🏻♀️秋刀 刺身 $128
秋刀魚刺身真係第一次試，本來以為會好腥，點知唔會喎，反而係佢嘅魚油味好重，同埋條秋刀魚都幾肥下，食得出啖啖肉同埋有少少煙熏味😋💁🏻♀️串揚拼盤十本 $138
炸串係我哋今日嘅目標，但係無從入手，所以就叫咗個廚師發板嘅拼盤，咩都有唔使諗😎拼盤有十串，其實份量都幾多，每人每串都分到少少☺️有鵪鶉蛋、日本迷你甜薯、日本南瓜、雞髀菇、紫蘇雞肉、豚肉蘆筍、法國Brie 芝士、大蝦🍤、芝心竹輪卷同煙燻豚肉，其中最推介嘅係串揚法國Brie 芝士，炸過之後芝士變得軟心，超級濃味👍🏻另外紫蘇雞肉都幾特別，個紫蘇葉好似紫菜咁脆卜卜，然後食到紫蘇葉果一陣特別既甜味
💁🏻♀️芝士金龍卷 $98
芝士金龍卷係我叫嘅🍤其實就即係炸蝦天婦羅壽司，上面再包一層芝士🤤呢個配搭點會唔鍾意，炸蝦天婦羅食嘅時候都仲係脆㗎，而上面嘅醋飯酸酸地好開胃，朋友都話好好食
💁🏻♀️日本吉列豬扒 $88
吉列豬扒炸完之後都唔會太乾身，食得出豬扒本身嘅脂肪比例好平均，因為我好怕食吉列豬扒太柴架，呢一件好Juicy🥰佢嘅椰菜沙律又可以幫到解漏，可以自行選擇用芝麻醬或者日本柚子醋調味
💁🏻♀️鹽燒油甘魚鮫 $98
油甘魚鮫經過燒煮後爆曬汁，食落勁甘香👍🏻👍🏻魚鮫位竟然都可以咁肥嘟嘟，加少少鹽調味已經好好食😋
💁🏻♀️大版名物章魚燒 $65
呢個章魚燒係大阪嘅名物，本來諗住作為前菜醫下肚先嘅😂點知去到最尾我哋食唔晒全份，因為真係叫得太多嘢😝不過章魚燒本身我都好鍾意食，加上蛋黃醬同埋章魚燒汁酸酸地好好味，我最鍾意就係佢放喺底嗰塊蝦餅🤓
💁🏻♀️麒麟啤酒 $42
今次我同朋友試咗桂花味同玫瑰味嘅麒麟生啤，花味帶出咗啤酒本身嘅麥香😉不過下次都係叫返原味生啤啦
雖然我哋兩個食咗咁多嘢，但係買單連加一都係$954，人均唔使$500👍🏻如果喺大角咀想食好啲都係唔錯嘅選擇
Post
