Video
Read full review
2024-01-18
839 views
越來越多大陸既餐廳黎香港開分店，包括唔少重口味既野食，例如烤魚、酸菜魚等等。今日就去左沙田試下大陸都有唔少分店既酸菜魚，太二酸菜魚。啱啱開係唔同d，門口企滿哂人，攞咗飛等緊入去。我地四個人都等左一陣先入到去。餐廳入面乾淨企理👍🏻👍🏻入去果下店員會一齊叫口號，酸菜魚上果下又會一齊叫口號，好有氣氛🥰我地叫左個四人份既酸菜魚加薯粉。佢既酸菜魚係冇得揀辣度，所以我地原本兩個人唔係太食得辣，叫多兩個食得辣嘅friend黎食就啱哂。我地仲另外叫左個小食拼盤同埋紅糖麻糬。我地兩個食得辣既friend就叫咗一碗半白飯。白飯可以叫半碗，份量又唔止半碗，又貼心又抵d。佢地既野飲都有唔少選擇，整到好似佢地自己舖頭出既手搖飲品咁。唔想俾野飲錢既，另外都仲有洛神花乾同陳皮可以俾你沖茶飲。沖好茶坐左一陣之，紅糖麻糬就黎左😆佢地既紅糖麻糬唔係食開出面好脆入邊就好煙韌果隻，佢地呢隻係出邊微微酥脆，入面比較軟糯果隻😋😋面頭有黃豆粉同埋有個紅糖漿可以沾就係標準配搭黎，但如果個紅糖漿再杰d就好啦🤭跟住好快酸菜魚就黎左佢地舖頭講到明話酸菜比魚更好吃，一於試下d酸菜係咪真係咁好食🤤四人份果然好大盆，魚肉都有好多。除左魚肉，面頭
啱啱開係唔同d，門口企滿哂人，攞咗飛等緊入去。我地四個人都等左一陣先入到去。
餐廳入面乾淨企理👍🏻👍🏻
入去果下店員會一齊叫口號，酸菜魚上果下又會一齊叫口號，好有氣氛🥰
我地叫左個四人份既酸菜魚加薯粉。佢既酸菜魚係冇得揀辣度，所以我地原本兩個人唔係太食得辣，叫多兩個食得辣嘅friend黎食就啱哂。
我地仲另外叫左個小食拼盤同埋紅糖麻糬。我地兩個食得辣既friend就叫咗一碗半白飯。白飯可以叫半碗，份量又唔止半碗，又貼心又抵d。
佢地既野飲都有唔少選擇，整到好似佢地自己舖頭出既手搖飲品咁。唔想俾野飲錢既，另外都仲有洛神花乾同陳皮可以俾你沖茶飲。
沖好茶坐左一陣之，紅糖麻糬就黎左😆
佢地既紅糖麻糬唔係食開出面好脆入邊就好煙韌果隻，佢地呢隻係出邊微微酥脆，入面比較軟糯果隻😋😋
面頭有黃豆粉同埋有個紅糖漿可以沾就係標準配搭黎，但如果個紅糖漿再杰d就好啦🤭
跟住好快酸菜魚就黎左
佢地舖頭講到明話酸菜比魚更好吃，一於試下d酸菜係咪真係咁好食🤤
四人份果然好大盆，魚肉都有好多。除左魚肉，面頭都睇到有辣椒、花椒乾、青花椒、酸菜等等，仲有d有菊花瓣做裝飾，睇落都好豐富。另外仲有兩個已經炸左既魚頭。酸菜魚既湯汁味道濃郁，又酸又辣又麻。
我同食唔到辣既人覺得呢個酸菜魚已經好夠辣，但係食開辣既兩位友人就話呢個酸菜魚可以更加辣，仲話可能已經遷就左香港人既口味。因為內地好似湖南四川呢d地方既人食既辣，真係唔係一般香港人可以食得掂。
佢地既酸菜魚確實係做到酸香麻辣，魚亦都好嫩滑。酸菜除左夠味，亦都係爽口，味道確實係唔錯。
對於食到辣既人，個湯汁拎黎送飯就一流，而薯粉索哂d湯，口感雖然唔算太煙韌，但係勝在夠軟糯。
個小食拼盤，有雞翼、蝦餅、薯寶同埋小酥肉。
一開始見到menu既小酥肉，如果單嗌，淨係得麻辣。仲以為個肉本身已經醃辣左，原來佢係會有個麻辣粉可以沾，咁唔食辣既人都可以食。拼盤仲有蜜糖芥末汁，不過都係偏稀身d。雞翼嘅調味都唔錯，鹹香得來肉質都嫩
小酥肉既味道亦都唔錯，口感外酥內軟，煙煙韌韌咁。
值得一提餐廳可以叫半碗飯 ，幾貼心😆
整體黎講，太二既fans同埋食開酸菜魚既人，當然要黎試下。不過唔太食到辣既人，其實叫個食得辣既friend黎一齊share，都係個唔錯既嘗試。
Post
