Video
Read full review
2023-10-15
2502 views
❀ Associazione Chianti #灣仔 ❀❗️香港都食到弗羅倫斯1kg T骨牛扒 ❗️——————————————————剛剛去完意大利佛羅倫斯🇮🇹返到香港立即試吓呢間black sheep 旗下嘅意大利扒房，比拼吓🤣餐廳放滿大量dry aged牛扒，侍應熱情友善，感覺比一般扒房輕鬆，喺度慶祝生日，仲會有侍應一齊唱生日歌，氣氛一流👏🏻作為意大利扒房，當然唔少得佛羅倫斯最著名嘅T骨牛扒，足足有成1kg，啱晒兩個人分，另外亦有幾款意粉、tiramisu等。當日我哋兩個人嗌咗一個頭盤、一份T骨牛扒、一份配菜及一個甜品已經非常飽🤰🏻.✷𝑀𝑒𝓃𝓊✷☞ 前菜 麵包先會送上免費嘅Pinzimono蔬菜沙律及Nodini蒜蓉餐包🤩蔬菜沙律有生蘿蔔、青瓜、生菜等，可以點香滑杏仁醬或者橄欖油，唔太切合香港人口味但幾特別。蒜蓉餐包就非常出色，香口得來口感微微煙靭😚.☞ CARNE CRUDA $218 (3.8/5)前菜方面叫咗呢個生牛肉他他，採用Tuscan托斯卡納牛，即場加入香草碎、蔥粒、乾蔥粒、芥辣、鹽同黑椒，再以脆餅伴碟。喜歡佢嘅口感仲有點顆粒，唔會太過一pat pat，不過調味略嫌普通，
❗️香港都食到弗羅倫斯1kg T骨牛扒 ❗️
——————————————————
剛剛去完意大利佛羅倫斯🇮🇹返到香港立即試吓呢間black sheep 旗下嘅意大利扒房，比拼吓🤣餐廳放滿大量dry aged牛扒，侍應熱情友善，感覺比一般扒房輕鬆，喺度慶祝生日，仲會有侍應一齊唱生日歌，氣氛一流👏🏻作為意大利扒房，當然唔少得佛羅倫斯最著名嘅T骨牛扒，足足有成1kg，啱晒兩個人分，另外亦有幾款意粉、tiramisu等。當日我哋兩個人嗌咗一個頭盤、一份T骨牛扒、一份配菜及一個甜品已經非常飽🤰🏻
.
✷𝑀𝑒𝓃𝓊✷
☞ 前菜 麵包
先會送上免費嘅Pinzimono蔬菜沙律及Nodini
蒜蓉餐包🤩
蔬菜沙律有生蘿蔔、青瓜、生菜等，可以點香滑杏仁醬或者橄欖油，唔太切合香港人口味但幾特別。
蒜蓉餐包就非常出色，香口得來口感微微煙靭😚
93 views
0 likes
0 comments
.
☞ CARNE CRUDA $218 (3.8/5)
前菜方面叫咗呢個生牛肉他他，採用Tuscan托斯卡納牛，即場加入香草碎、蔥粒、乾蔥粒、芥辣、鹽同黑椒，再以脆餅伴碟。
喜歡佢嘅口感仲有點顆粒，唔會太過一pat pat，不過調味略嫌普通，冇乜特別嘅香氣🙈
126 views
0 likes
0 comments
.
☞ BISTECCA ALLA FIORENTINA (for 2) $1518 (4.2/5)
嚟到招牌1kg厚切佛羅倫斯T骨牛扒🥩經過12-20日熟成，店員建議三成熟。
表面燒得較為焦香，但切開非常粉嫩，甚至仲帶點血水。
入口一啲都唔會有血腥味😮反而先有炭香，繼而有濃郁嘅牛味，非常多汁，感覺唔肥膩，但口感軟腍🤩
可以話係我喺香港食過數一數二嘅牛扒，尤其適合鍾意炭香、唔會好似日本和牛咁油膩嘅人。
比起意大利雖然價錢貴成一倍，但喺香港嚟講真係算唔錯👍🏻
73 views
1 likes
0 comments
85 views
0 likes
0 comments
192 views
0 likes
0 comments
.
☞ Asparagus $108 (3.8/5)
配菜嗌咗一碟烤蘆筍，正常冇乜特別，唔需要特登加配。
.
☞ Tiramisu (4/5)
喺一大兜入面𢳂，mascarpone cheese 同手指餅嘅份量恰到好處☺️
手指餅沾滿咖啡酒，帶有咖啡香氣但唔重酒味，整體口感濕潤軟滑唔會太甜膩。
如果蛋味更重就Perfect。
348 views
0 likes
0 comments
——————————————————
✨整體味道: 4/5
✨環境裝修: 4/5
✨服務態度: 4.2/5
✨性價比: 3.8/5
✨再訪興趣: 3.8/5
.
💞整體來講
以意大利佛羅倫斯牛扒賣點，牛扒的確做到意大利嘅水準，其餘菜式就一般，如果想一試佛羅倫斯1kg T骨牛扒，呢間絕對係不二之選👌🏻
Post
