Nissa la Bella (差館上街)

Open Now

Now Closed

4月去完法國一直念念不忘🥹 想係香港食反餐法國菜懷念懷念下 位置西環呢間裝潢華麗 仲有唔少復古圖片 做左裝飾 坐位又坐得舒服 連啲Staff都特別好人 仲要講英文 真係超有Feel🤣🔖Set dinner HKD988▶︎ 煙燻希靈魚希靈魚充滿鹹香，而且魚上再灑有海鹽，味道非常突出。另外配有薯仔，吸收了醬汁嘅香味，番茜同紅蔥嘅香味令薯仔更香，配埋希靈魚食，味道更香濃▶︎ ︎菊苣沙律︎非常特別，香港好少見嘅菊苣沙律。味道清爽略苦，因為配有煮香梨、合桃、海鹽等等，令味道更為特別同有層次。除咗襯托菊苣嘅苦味，同時亦突出鹽香、甜味，好好食。另外配有blue cheese，令味道更濃烈▶︎ 黑松露通心粉超級香黑松露味嘅通心粉，一端上枱，隨即聞到陣陣黑松露香味。放入口，嚐到黑松露忌廉嘅柔滑、香濃，而且通心粉特別掛汁，煮得煙靭，非常好味。另外有大量嘅Serrano ham，充滿鹹香之餘，更嚐到淡淡嘅肉味，層次豐富且細膩，十分配合黑松露通粉▶︎ 肉眼扒沙律、薯條好食，份量充足，但重點在於主角牛扒。五成熟嘅肉眼扒煎得外皮焦香，入口即嚐到燶邊香味同香脆嘅口感，牛扒肉質嫩滑，牛味濃郁，加上少許海鹽嘅調味，令肉味更香濃。