醉吾串

Open Now

Now Closed

近期路經發現小店，見食評又唔錯，就決定去試吓。首先，想要喺香港一般既串燒店，食到用心製作既串燒並非易事。先唔講食材質素同火侯控制，好多時啲調味方法千篇一律，有時真係會分唔清自己食緊啲乜嘢。但係喺呢度，除食材優質外，你會試到廚師用唔同手法去烹調唔同嘅食材，火侯恰到好處。其中最令我刮目相看既就係呢個燒豆腐。我從未試過喺串燒店叫燒豆腐，經店員推薦之下，我決定一試。果真冇令我失望，口感相當好，味道配搭得宜。😋除此以外，店員服務態度唔錯，喺香港唔係好多小店會有呢種招呼。今次係平日夜晚去試，發現客人唔多，希望呢啲高質用心既小店可繼續營運落去喇。唯一既建議係希望可以提升性價比，因為每份份量太少，可能因為食材質素高卦。對我嚟講，呢個價位就算好食都未必可以經常光顧了。