醉吾串

Open Now

Now Closed

居酒屋同大家介紹過好幾間，而今次黎到屯門，同大家介紹一間由醉雞米線 醉藥雞「踩過界」，主打串燒既副線品牌，平民居酒屋 一 醉吾串@餐廳裝潢偏地道和式居酒屋風格，非常適合三五知己食住串燒飲返兩杯🍻⚠️注意返 ~ 醉吾串做緊生啤、日本清酒買一送一優惠，系時候黎食住串燒啤啤佢🍻🍱日式丼飯：🌟咖哩吉列蝦飯 $48咖哩香濃，炸蝦金黃香脆🤤👍🏻👍🏻🌟巨型吉列豬扒飯 $48吉列豬扒成個碗咁大塊，炸得金黃酥脆之餘啖啖肉🤤👍🏻👍🏻🔥主打串燒 ：🌟燒雞腎 $15煙韌之餘帶咬口🤤👍🏻🌟雞頸肉 $20比較罕見之餘味道濃郁，搭配汁燒非常惹味🤤👍🏻🌟燒雞肝 $30味道濃郁，口感軟綿🌟日本豆腐 $20燒得金黃，略帶香脆🤤👍🏻🌟味醂魚乾 $48油脂感清香，帶燒過既香味，非常適合配酒🤤👍🏻🥇人氣推介：🌟燒雞翼 $20雞翼燒得金黃，帶鹹香🤤👍🏻👍🏻🌟五花腩 $30燒過之後，油脂感十足🤤👍🏻👍🏻🌟牛舌芯 $30帶有口感之餘帶烤過既香氣🤤👍🏻🍙時令推介：🌟燒飯糰(明太子) $38飯糰燒得香口，搭配鹹香明太子🤤👍🏻📍醉吾串地址：屯門仁愛堂街1-43號麗日閣地下15號舖#屯門#醉吾串 #串燒 #居酒屋 #燒雞翼 #五花腩 #牛舌芯

今晚屯門市中心行完街，老公話想去馬會買六合彩碰運氣後去晚餐，買完之後見到馬會對面有間居酒屋外觀頗日本氣氛，就揀這間，一入店鋪有特色牆上貼滿日本海報，再睇餐牌，主打串燒款式頗多，亦有主食及揚物。串燒應該無落味粉，純靠食材味度，鹽既份量都恰到好處。今晚我哋叫咗各款串燒同飯😋咖喱吉列蝦飯巨型吉列豬扒飯燒菠蘿雞腿肉燒虎蝦蒲燒鰻魚燒白鱔廣島蠔鹽燒雞翼雞軟骨帆立貝但部份串燒價錢偏高😅如份量可多些就更好🤭醉吾串 (屯門)屯門仁愛堂街1-43號麗日閣地下15號舖

餐廳日式佈置，牆上貼滿靚靚海報，亦擺放左一啲酒作裝飾，而且坐得都舒服👍招牌日式牛肉飯（$58）呢碗牛肉飯既牛肉份量都多，價錢好平，先$58一碗，佢既牛肉唔肥，肉質唔錯，飯又多👍咖喱吉列蠔飯（$58）我老公見到吉列蠔就話一定要食，吉列蠔炸得鬆脆，唔錯，咖喱好濃郁，配埋飯食幾好味👍巨型吉列豬扒飯（$48）個豬扒都幾巨型，重點係炸得好脆好好味！唔會太厚粉，又脆又香👍串燒燒雞腎、麻辣茄子、鵪鶉蛋同埋燒雞翼，全球都燒得好好食，特別係燒雞翼，我囡食到舔舔脷！

明明裝修唔差，坐得亦非常舒適！假日時間就偏偏冇乜客人！有90分鐘限時，但其實坐多陣都可以！串燒種類頗多，仲有主食&揚物兩個👭🏻一路傾偈一路食不經不覺就食咗十多款食物🤣欣賞呢度嘅串燒一整好就會即刻拎出嚟，唔會等整好哂先一次過上菜！呢度嘅串燒特別之處係冇辣度選擇，比較著重食材嘅原味道&突顯食物嘅新鮮，唔會太過依賴調味料！但食落唔會好淡，鹽嘅比例落得啱啱好。另外值得試吓麻辣豆腐，用嘅麻辣醬幾出色，麻辣味點到即止，唔會停留口腔好耐👍🏻總體而言食物都幾高質，但有啲食物定價較高。如果份量再多少少/有優惠更好！

屯門比較少食串燒嘅居酒屋，早排經過就見到一間好日式裝修嘅居酒屋，店內坐位唔算好多，但都坐得幾舒服🥺推介🪄💨立鱗燒 - 魚鱗脆卜卜加上嫩滑嘅魚肉口感一流😋💨雞翼 - 燒雞翼就一向都係咁好食💨流心蛋豚肉卷 -流心蛋整得岩岩好💨炸蟹仔 (係期間限定 唔記得叫咩名)店員介紹要先食咗佢地啲腳就先，唔係就好易吉親🤣💨白色栗米 - 甜甜的另外佢地嘅炸物味道都唔錯，最後食埋個中華冷麵冰冰涼涼好舒服😍🍴回頭度：可能會👏🏻抵食指數(5個滿分)：👏🏻👏🏻👏🏻📷賣相指數：(7.5/10)🔎環境指數：(7.5/10)💂服務指數：(7.5/10)

串燒店喺香港近年越開越多，最啱三五之己放咗工去chill吓！🥳 屯門嘅呢間小店係日本串燒料理居酒屋🍢，每日提供日本、美國、加拿大嘅時令新鮮食材、燒鳥🤩仲有冰凍生啤、清酒、Mocktail，啱晒約朋友啤啤佢🍻～～私心最值得推介頭5位：1. 牛肋肉 肉質好香嫩 唔會太油膩感 好軟熟 燒得好粉紅色❗️2. 燒豆腐明太子醬面，帶微辣，外脆內軟～～ 個心超滑漏😍3. 時令金鯛又係超嫩滑，好juicy，係純用黑椒嚟燒～魚皮超香脆！🔥4. 燒雞翼有埋錫紙包住，冇骨的，啖啖肉，大滿足！🫶🏻5. 雞腎串好香黑椒味，入口非常爽口、帶脆嫩感，怕內臟嘅人都可以一試！😚小店裝修都超日本風，成件事似快閃咗轉日本咁☺️

今次介紹返屯門既串燒小店近屯門市廣場輕鐵站底下 地點算方便當日係屯門收工就去左食呢間串燒店主打係焼き鳥「燒鳥 」即係雞串燒佢地用既部位都比較特別 好多都未食過串燒因應程況逐樣出餐 上台既都係新鮮出爐燒好 💯店成個氣氛音樂/電視播日本節目都好日本feel 😆好岩一到飲酒一到吹水 食番餐 🍻串燒方面當日食左雞心,雞胸軟骨,雞膝軟骨,雞頸都有聽D名平時都唔係成日食到🔥⭐️其中印象深刻係日本雞柳配上柚子胡椒醬雞柳中間係粉嫩色 因為係日本新鮮雞柳係可以生食 店燒成半熟 非常特別👍🏻⭐️雞心 口感爽脆 原本驚係好淋口感原來唔係😂未食過雞心值得一試⭐️雞胸軟骨 中意咬爽骨既一定中意比雞軟骨爽口彈牙👏🏻⭐️另外必食五花腩 因為我地覺得好正問下店主 先知原來豬肉係來自香港既豬肉😮⭐️ 華漣蠔 - 呢款長崎既蠔係熟於絲滑甜既口感味道~唔係重海水味 好鮮甜肥美 ⭐️花魚一夜干雖然佢影出黎平平無其但燒得外脆內嫩岩岩好我地食到成條一D肉都無😆我覺得店有Heart係因為見店主都會顧及唔同客人吹下水介紹下D食物係邊到黎 有咩特點又見有客人想叫日本酒都好詳細介紹到酒同食物既配法知道自己食左咩落肚😆

醉吾串 (屯門)一段時間都冇嚟屯市呢面行街，發現杯渡個面開咗呢間日式串燒餐廳，梗係要嚟試吓啦！😳入面嘅裝修真係好有日本風情，仲播住日本電視節目同日本歌，真係好有feel😚食物種類都幾多，有魚、豬、雞、牛、蔬菜同海鮮等等，真係應有盡有！廚師基本上係整完一碟再整下一碟，比客人有足夠時間享受熱辣辣嘅美食😳 而且串燒仲調味做得幾好，夠晒入味！個人非常推薦唐揚池魚，又香脆，仲大大碟😍另外，我仲叫左中華冷麵，上面有甜蛋、中華沙律、蟹柳等配料，加埋麻醬一齊撈真係無得輸😝飲品方面有除左有果汁同梳打，仲有日本酒😍整體黎講都幾唔錯！

去完屯市買野未夠鐘數晚飯去搭車前 咁熱諗住坐低食少少野先見到杯渡站天橋底有間食串燒啊🍡擺設好有日式風格我哋就入去休息叫左幾款串燒 兩杯梳打🧊.燒雞心-第一次食燒雞心 食落粉粉地 幾特別 而且夠哂矜貴燒雞軟骨燒去骨雞翼-去左骨既雞翼食落去最爽燒雞腎燒青椒-呢隻青椒係手指咁幼既 加上木魚和燒汁燒鵪鶉蛋-燒過既鵪鶉蛋蛋白會較硬身 口感好有趣燒茄子炸海膽丸-好多海膽汁爆出嚟燒豆腐-用了明太子醬加上去再燒到豆腐皮脆身柚子梳打巨峰梳打-飲完梳打醒過來 覺得又可以行多陣街先走🤣.📍醉吾串📌屯門仁愛堂街1-43號麗日閣地下15號舖

大發現！屯門有一間幾好嘅日本串燒居酒屋，勁有日本feel, 場內嘅佈置，電視係播緊日本電視台live, 歌都係日文歌，但係你一定聽過亦係耳熟能詳嘅歌，咁啱仲係我最鍾意嘅「演員」、「突然好想你」嘅日文版，真心感覺不錯。食物方面，廚師燒得剛剛好，緊緊熟，惹味得嚟，又食得出肉質嘅鮮味。每款串燒續碟出，客人一定食到剛剛燒起最正最好味嘅一刻👍🏼👍🏼👍🏼新界友有福了，唔洗出城（九龍）都有不錯嘅居酒屋串燒食😋我哋今晚就食咗⬇️- 雞心- 五花腩- 雞膝軟骨- 雞腎- 日本豆腐- 日本青椒仔- 雞翼（日本德島產）- 雞柳 （ 日本九州產）- 雞頸 （日本德島產）- 唐楊池魚

和朋友約在屯門食飯，朋友説之前試過此串燒居酒屋，感覺不錯❤️今次就過來試一試～餐廳名稱非常有趣，叫「醉吾串」，一看就知道與串燒有關～🔎 甘鯛立鱗燒（$198/2隻）魚鱗炸到金黃色兼脆卜卜、魚肉鮮嫩～🔎雞胸軟骨（$28/串）非常少見的部位🤔日本德島產，吃起來口感爽口～🔎 雞膝軟骨（$22/串）雞膝軟骨口感結實爽脆～🔎 蒲燒鰻魚（$48/串）鰻魚無骨，而且帶碳燒香～蒲燒汁帶點甜，好搭～🔎 雞柳（$32/串）日本九州產～雞柳可以生食，所以燒到半生熟，配上柚子胡椒鹽，很清新💕🔎 雞下腿（$28/串）日本德島產～雞下腿肉質嫩滑，有肉汁。🔎 日本茄子（$28/串）茄子燒得很軟，表面佈上木魚絲，好香～🔎日本豆腐 （$32/串）豆腐表面佈滿明太子，外脆內軟～🔎一口芝士（$48/串）一口芝士炸得香脆，一口吃下去充滿芝士流心，非常邪惡👿🔎 雞腎（$28/串）同樣來自日本德島，吃起來非常爽口～🔎 巨峰乳酸梳打（$38）巨峰乳酸梳打喝起來酸酸甜甜，挺好喝💕🔎 柚子梳打（$38）柚子梳打喝起來柚子味很重，非常清爽～

@dna_tuenmunyau is a japanese izakaya 🍻 specializing in yakitori 🔥 chicken and its intestines grilled in either salt or house special sauce 🐥 they also serve other grilled skewers and snacks 🍢@dna_tuenmunyau 日本串燒料理居酒屋 🍻 主打「燒鳥」🔥 鹽燒或醬燒烤雞肉內臟串 🐥 除咗雞肉 仲有其他肉類蔬菜 🍢🐥 雞柳chicken fillet HKD$32 x 2日本九州產；店員細心提呢款係日本新鮮雞柳 可以生食 燒到半成熟 中間粉嫩色肉質鮮嫩 配柚子胡椒 味道清新 🐥 雞頸肉 chicken neck HKD$32 x 2日本德島產；嫩滑彈牙 汁醬燒帶甜 🐥 雞膝軟骨 chicken knee cartilage HKD$32 x 2軟中帶脆 帶點焦香🐥 雞心 chicken heart HKD$28 x 2日本四國產；嚼勁有彈性🐥 雞腎 chicken kidney HKD$28

又係晚餐時間，度度都爆滿，竟然發現呢間串燒店有位，即刻4個人衝入去，樣樣都好想試，睇隔離枱既食物都好吸引叫左豬腩肉，有d燒蔬菜，雞腎，魚子豆腐，燒鱔…..壓軸有龍蝦（呢樣平時原來要預訂），味道其都係一般般，但吹水飲酒氣氛一流

#pb食在屯門 屯門日式串燒料理居酒屋🍢早前發現屯門開左間串燒居酒屋 原來佢開業已經超過一年🤪 佢鄰近馬會、何福堂橋底 店內唔算好大 只有5張枱 裝修幾日式👍🏻 佢每日提供時令新鮮食材 仲有Sake、Cocktail飲😍.食物以串燒為主 價錢$22-$48一串不等😋較特別嘅會有雞提燈🤪 另外佢仲有酒餚、燒物、炸物等 同埋有個二人前餐👍🏻🔹Omakase 二人前（$588）🔸枝豆一客 🥗用左鹽醃左 鹹鹹地 送酒幾好👍🏻🔸酒餚一客 🧆當日係醃牛蒡、蒜頭 兩款食完都幾開胃😋🔸十二款日式串燒 🍢應該次次會唔同🤪 當日有日本青椒仔、雞頸肉、雞腿肉、明太子豆腐、雞心、雞翼、雞腎、鵪鶉蛋、雞皮、牛舌😋 整體調味都唔錯 又唔會燒好乾身👍🏻 比較深刻包括雞頸肉、雞腿肉、明太子豆腐、雞皮😍🔸吉列廣島蠔兩件🦪正常發揮🤪🔸赤鯛一夜干 🐟幾厚肉👍🏻 魚皮脆 肉質滑😋 不過略嫌鹹左少少🥲🔸燒飯團兩客 🍙有原味、明太子選擇😋 口感比較乾身 我就一般般🤪🔸芝士蛋糕 / 雪糕兩客 🍰芝士蛋糕口感好滑😍 雪糕有幾個味道選擇👍🏻🔸荔枝乳酸梳打🍹🔸Sapporo 🍻啤酒、Cocktail、Mocktail、沙冰、汽水等都唔使

今日同朋友嚟呢間小店食串燒，因為我自己嚟過，覺得串燒質素好好，所以忍唔住再嚟幫襯💕今次食廚師發板2人前，有1客枝豆，1客酒餚，10款串燒🍢，2件吉列廣島蠔🦪，1客赤鯛一夜干🐟，2客燒飯團🍙，仲有2客芝士蛋糕🍰或雪糕🍦酒餚揀咗銀雪魚乾🐟，送酒一流🍻。廚師發板嘅10款串燒：2串雞翼，雞腿肉，雞柳，雞皮，雞頸肉，鵪鶉蛋，日本豆腐，日本冬菇，蘆筍。每款都好啱我哋胃口🤗赤鯛一夜干🐟，估唔到魚皮燒到咁脆，真係好正😍我哋再加咗雞軟骨，五花腩，煙肉蠔，日本茄子，青檸梳打同青檸沙冰💗我哋食得好滿足😋，下次一定再嚟食☺️