Video
Read full review
2008-07-14
51 views
上星期朋友生日0黎左食飯，食物祇係一般，但係服務同收費實在要係呢度投訴一下。我地一行12個，一早訂了檯，亦盡時到達, 但係竟然得到corner位，又逼又暗。我係第一次0黎，牆上竟然有電視，加上滿座，環境好噪。Waiters係身後行來行去，不停撞到人。。。熟客朋友叫左每人四隻生蠔，每人一隻Cherry Stone大蜆，Scampi小龍蝦，同埋2隻膏蟹2隻肉蟹share。仲有garlic bread配蟹肉醬，sparkling wine同埋white wine每樣兩支。蠔先上檯，waiter冇介紹蠔的名字，亦沒有指示應先食邊款，要問先講，唔夠professional。有兩款澳洲的Tasmania跟Coffin Bay，有一定水準，但有好多海水，有D鹹。第三隻有法國的Fine de Claire，冇乜驚喜。都係太多海水，鹹。最後係非洲的，最大隻亦最貴，店員好鐘意推介的一款。個人一向認為太大隻的蠔冇味，今次都唔例外。實在不值＄50+一隻。要食大蠔可以去食薑荵生蠔煲呀。。。然後係Cherry Stone，幾大隻，但我個隻是臭的。沒有投訴，因為其他人的蜆都唔新鮮，換都冇用。吐了就算吧。其間店員上來
我地一行12個，一早訂了檯，亦盡時到達, 但係竟然得到corner位，又逼又暗。我係第一次0黎，牆上竟然有電視，加上滿座，環境好噪。Waiters係身後行來行去，不停撞到人。。。
熟客朋友叫左每人四隻生蠔，每人一隻Cherry Stone大蜆，Scampi小龍蝦，同埋2隻膏蟹2隻肉蟹share。仲有garlic bread配蟹肉醬，sparkling wine同埋white wine每樣兩支。
蠔先上檯，waiter冇介紹蠔的名字，亦沒有指示應先食邊款，要問先講，唔夠professional。
有兩款澳洲的Tasmania跟Coffin Bay，有一定水準，但有好多海水，有D鹹。
第三隻有法國的Fine de Claire，冇乜驚喜。都係太多海水，鹹。
最後係非洲的，最大隻亦最貴，店員好鐘意推介的一款。個人一向認為太大隻的蠔冇味，今次都唔例外。實在不值＄50+一隻。要食大蠔可以去食薑荵生蠔煲呀。。。
然後係Cherry Stone，幾大隻，但我個隻是臭的。沒有投訴，因為其他人的蜆都唔新鮮，換都冇用。吐了就算吧。
其間店員上來添酒，我明明是在喝white wine的，冇問就斟了sparkling俾我，算，喝掉叫她給我添white wine，她竟然反問我"你飲緊有氣架bor?"
然後斟水時把水斟到友人手機上，又當睇唔到。。。
Scampi小龍蝦刺身是唯一值得推介的，肥美鮮甜。
膏蟹幾多膏，但係冇乜鮮味。肉蟹比較好，啖啖肉。
熱食方面叫左冬蔭公湯同Minestrone雜菜湯，仲有香蒜意粉。不過不失啦。
埋單每位$680，總括黎講我覺得食物唔值呢個價錢，服務及環境更加唔掂。Waiters態度惡劣，對食物認識唔夠。
應該不會再來了，香港食蠔真係大把更好地方。。。
Post