五感日常 (Closed)

「蒟蒻」一向被視為減肥聖品，皆因其熱量低、飽足感高，係一種低卡高纖嘅食材。最近從食友處得知中環開咗香港首間蒟蒻製品專門店，趁有空檔，專登過嚟見識下。舖面細細，地方不大，但內在環境舒適整潔，2 人檯同 4 人檯各有 3 張。餐廳主打蒟蒻，食物分門別類，有蒟蒻飯、蒟蒻麵、湯水、沙律同開胃小食等。據店員稱，餐廳供應嘅蒟蒻麵係低碳水食品，非常適合想控制體重嘅人仕享用。點咗兩款蒟蒻撈麵，另外再加咗幾款小食同飲品，一於齊齊開心 Share。 五香牛腱 ($38)  滷得非常入味，質感柔軟，肉嫩可口，爽身又唔痴牙。自家手打蝦餅 ($58) 同 手打墨魚餅 ($58)  亦非常高質，蝦餅彈牙味鮮，入口完全冇油膩感；墨魚餅真材實料，內有粒粒墨魚肉，十級推介！海南雞撈蒟蒻麵 ($68)  雞件肥瘦適中，肉嫩又汁豐。蒟蒻麵滑嘟嘟，口感Q 彈，撈埋啲湯汁、青瓜絲、甘筍同生菜一齊食，入口帶微微酸香，清爽醒胃。至於另一客烤豬頸肉撈蒟蒻麵 ($58)  水準亦不俗，豬頸肉厚切份量又多，食落口感好 Juicy，爽嫩彈牙，充滿油脂香。野飲方面推介凍柑桔水 (+$8@)  真係好有柑桔味，足料又夠酸，清新怡人。