Video
Read full review
2022-04-25
1232 views
日山Hiyama 食評作為一個超鐘意壽喜燒嘅為食妹，曾經係京都一間百年壽喜燒老店體驗過一次畢生難忘嘅正宗壽喜燒，但係衣家無得去日本，暫時都未有得再食😫難得香港有間米芝蓮一星嘅日本餐廳出名壽喜燒就當然要慕名去試下😊不過因為晚市太貴，我哋選擇咗價錢平一截嘅午市😝一坐低就waiter就問要唔要Sparkling water或者礦泉水，當時因為覺得冷氣有啲凍就叫咗杯熱水，後來望一望drink menu先發現原來呢兩樣飲品係要另外收費🙈Lunch Menu有9個Set Lunch 可以選擇，有和牛、豚肉、鰻魚等等，除咗鐵膽壽喜燒之外，我哋再叫咗個唔係好常見嘅銀鱈魚西京燒。壽喜燒A5和牛嚴選部位及野菜盛 $488 🌟🌟🌟🌟壽喜燒係有專人煮完分好哂之後先拎嚟我哋個位，我覺得呢樣嘢有少少可惜嘅，個人比較prefer係自己個位整完自己夾嚟食。煮之前waiter會拎碟和牛嚟介紹同俾我哋影相先😝 食落未去到入口即溶，不過咬兩啖都已經可以吞落去，medium rare個塊再綿少少，醬汁唔會一食落就好甜同好鹹，甚至可能會有人覺得唔夠濃味，我自己就覺得OK嘅，而配料都係常見嘅冬菇、豆腐、洋蔥、蒟蒻絲，全部都係好易
作為一個超鐘意壽喜燒嘅為食妹，曾經係京都一間百年壽喜燒老店體驗過一次畢生難忘嘅正宗壽喜燒，但係衣家無得去日本，暫時都未有得再食😫難得香港有間米芝蓮一星嘅日本餐廳出名壽喜燒就當然要慕名去試下😊不過因為晚市太貴，我哋選擇咗價錢平一截嘅午市😝
一坐低就waiter就問要唔要Sparkling water或者礦泉水，當時因為覺得冷氣有啲凍就叫咗杯熱水，後來望一望drink menu先發現原來呢兩樣飲品係要另外收費🙈
Lunch Menu有9個Set Lunch 可以選擇，有和牛、豚肉、鰻魚等等，除咗鐵膽壽喜燒之外，我哋再叫咗個唔係好常見嘅銀鱈魚西京燒。
壽喜燒A5和牛嚴選部位及野菜盛 $488 🌟🌟🌟🌟
壽喜燒A5和牛嚴選部位
$488
24 views
1 likes
0 comments
壽喜燒A5和牛嚴選部位及野菜盛
$488
60 views
1 likes
0 comments
壽喜燒係有專人煮完分好哂之後先拎嚟我哋個位，我覺得呢樣嘢有少少可惜嘅，個人比較prefer係自己個位整完自己夾嚟食。煮之前waiter會拎碟和牛嚟介紹同俾我哋影相先😝 食落未去到入口即溶，不過咬兩啖都已經可以吞落去，medium rare個塊再綿少少，醬汁唔會一食落就好甜同好鹹，甚至可能會有人覺得唔夠濃味，我自己就覺得OK嘅，而配料都係常見嘅冬菇、豆腐、洋蔥、蒟蒻絲，全部都係好易吸收到醬汁嘅餸，吸咗汁都唔會好鹹，不過都無咩特別，豆腐無乜豆味咁。生蛋汁食落似係日本蛋有加分，始終唔係所有產地嘅雞蛋都夠安全可以生食咖嘛😜
銀鱈魚西京燒 $288 🌟🌟🌟🌟🌟
銀鱈魚西京燒
$288
167 views
1 likes
0 comments
前菜、甜品及其他
Set Lunch附送嘅包括有漬物、蒸蛋、甜品、麵豉湯同飯。試過太多次係日本食到嘅漬物都中伏，好好彩今次呢碟唔伏，蒸蛋嘅餸舖哂喺面，有少少蟹肉，淡淡地、唔鹹，無乜蛋味。麵豉湯有好多料，包括有平時唔係好常見既瘦肉，而個湯都唔係好似一般日本餐廳咁淨係死鹹。甜品係柚子雪糕，酸酸甜甜，有少少果皮，唔會太甜，好refreshing，食完呢餐再加埋個甜品岩岩好!😛
服務：呢個價錢當然要有番一定嘅服務質素，我覺得呢方面都做得幾好，waiter會記得我叫咩名，招呼我哋嘅時候都會叫我個名，做嘢都好快手，會留意客人有無咩需要，好細心
景觀：餐廳坐擁無敵大海景，落地玻璃嘅設計令食客可以一覽維港兩岸，非常適合影港女相 可惜我去個日天氣唔係幾好，同埋唔係坐窗邊，影出嚟效果爭少少
定位：如果有朋友想去，我會建議午市去食，一嚟平好多，二嚟餐廳對正個維港，望住個無敵大海景食飯真係零舍開胃😙
雖然價錢唔平，但係建議大家如果想去試下記得早少少打定去book位啦 (記得講低想要窗邊位呀)
(留意番，菜式會不定時更改)
日山Hiyama
地址：尖沙咀廣東道3-27號海港城海運大廈3樓OTE302號舖
Post
