拳王泰國餐廳 (Closed)

前排友人話銅鑼灣有間主題餐廳，是「拳王泰國餐廳」，剛好我最近想食泰菜，還想看看泰拳也有主題餐廳咁特別。一入店內發現，的確好有拳賽氣勢，座位都好像用來練拳的，鐵鏈也剛好有拳館力量的效果。餐廳還提供拳賽供客人觀賞，等待食物時都不會悶，一邊食一邊欣賞。我同友人都想食海南雞，就點了半隻，再加個拳王炒飯吧，泰菜我一定點的芒果沙冰也唔少得。芒果沙冰 $38，夠哂凍夠解辣，我同友人分來飲都得。芒果味都突出，不太甜，打得細膩順滑。海南雞（半隻） $138，價錢偏貴，但原來隻雞都大隻，所以份量幾多。附上酸辣醬汁、甜黑豉油、咸酸菜。店員上完菜後，仲拎個茶壺出黎，就倒落雞度，原來係熱辣辣的雞湯，令雞肉加熱加味而不會肉鞋。仲有陣陣香味飄過黎。雞皮薄薄好爽口，脂肪不多又唔膩，雞肉仲好嫩滑。倒上雞湯令雞肉油香濕潤，肉汁閃令令好吸引。拳王炒飯 $138，雖然份量很多，都有4-5小碗，而且還有5隻大蝦，但還是偏貴。有5隻蝦算多，加上蝦肉結實爽口陣牙，味道幾好。炒飯有泰式風味，炒得夠鑊氣，不太乾硬反而夠爽身，有椰汁香，辣度唔重，食落冇負擔，不過偏油，食完碗底都幾多辣油。