敏華冰廳 (新都城中心二期)

Open Now

Now Closed

中午點左個常餐，覺得自己大鄉里出省，第一次食茶餐廳唔洗叫人落單，坐低就係screen點餸再八達通俾，非常好！我點左個常餐，沙牛通炒蛋多士熱奶茶，賣相正常。先講沙牛通，落單時可以選擇硬身、林身或正常，我就正常算。睇落沙牛唔多，但食落覺得又覺得ok，因為真係太鹹，而牛肉都有少少韌，口感唔係咁好。個通粉正常，不過不失。到炒蛋多士腸，炒蛋炒到岩岩好，好多人黎佢同澳牛比較，澳牛都係贏，但敏華既都算係高質，非常滑，口感一流。多士係厚款，正常；而腸...我估唔到最差評竟然係佢，太膠而且唔香，可惜。奶茶！有少少驚喜，口感香滑，茶味香奶味重，唔澀，係我喜愛既奶茶種類，會令人想一飲再飲。如果唔洗排隊的話，我會為奶茶而再黎多次食野lol總結而言，其實$52常餐都唔平，除左炒蛋奶茶外都好一般，如果黎試我建議試下其他麵配熱奶茶，睇到隔離覺得叉燒睇落唔錯，會想試下，而沙牛通就算🙊。