港澳義順牛奶公司 (Closed)

紅豆雙皮奶好似好多人叫，因為有層紅豆喺面食落冇咁單調，個人認為食中式甜品一定要點熱先夠香，今次都唔例外，叫左個熱既紅豆雙皮奶，雖然賣相一般，個樣有啲似明將紅豆壽司，但係味道唔錯，唔會太甜膩，甜度剛剛好，個燉奶真係好滑夠香甜，抵讚。秋天食碗熱燉奶真係啱啱好，有好潤既感覺。如果唔係特別中意食雙皮奶的話，可能會覺得38蚊食碗甜品有啲唔抵，不過除左黎呢度食甜品之外，感受下果份懷舊情懷都唔錯，店內都係上年紀既店員，加上舊式既格局，瞬間覺得自己好似退左休、黎呢度懷舊下午茶咁啊。