Video
Read full review
2017-11-26
509 views
之前黎過呢間打邊爐，今次又有朋友想試又再黎多次。今次小d 人叫左同上次唔同嘅湯底同食物，水準依舊，都係好好食，再分享下。今次叫左行走江湖鍋底，四個湯底分別係花雕醉雞鍋、番茄牛尾鍋、啤酒魚鍋同埋清酒海鮮鍋。鍾意酒窩嘅湯底係因為佢每個湯底都好足料，醉雞鍋入面勁多雞件，牛尾鍋真係有兩條大大嘅牛尾喺入邊，啤酒魚鍋入邊都有幾條煎魚同埋清酒海鮮鍋入面都好多蜆。每一啖湯就咁飲都已經勁入味，所以每樣食材放入去煮完都唔需要點豉油，已經充滿着湯底嘅香味。喺度食嘢真係有選擇困難症，唔知邊樣野放邊個湯底最好。咁都要食下食下都會知道自己鍾意邊個湯底多啲嘅，而我就比較鍾意清酒海鮮鍋同埋醉雞鍋底，佢哋嘅中藥味比較濃，我都係鍾意呢一種味道嘅湯底。講到食材方面今次我哋叫咗海鮮拼盤，雖然份量唔夠四個人一人一件，不過海鮮都算新鮮同埋大隻。不過個人來講打邊爐煮海鮮真係唔係好識掌握火候，有陣時煮得太熟又縮到好細，又會硬，不過朋友鍾意。對於食肉獸嘅我就好鍾意牛頸脊同埋個羊肉片啦。牛頸脊真係比肥牛好食好多，牛肉脂肪比例啱啱好，牛肉味重，口感亦都岩岩好。唔會太肥/太瘦，以後打邊爐都淨係叫呢個部位。羊肉片都好抵食，一碟都有好多片，羊肉
今次叫左行走江湖鍋底，四個湯底分別係花雕醉雞鍋、番茄牛尾鍋、啤酒魚鍋同埋清酒海鮮鍋。鍾意酒窩嘅湯底係因為佢每個湯底都好足料，醉雞鍋入面勁多雞件，牛尾鍋真係有兩條大大嘅牛尾喺入邊，啤酒魚鍋入邊都有幾條煎魚同埋清酒海鮮鍋入面都好多蜆。每一啖湯就咁飲都已經勁入味，所以每樣食材放入去煮完都唔需要點豉油，已經充滿着湯底嘅香味。
行走江湖
$298
75 views
0 likes
0 comments
喺度食嘢真係有選擇困難症，唔知邊樣野放邊個湯底最好。咁都要食下食下都會知道自己鍾意邊個湯底多啲嘅，而我就比較鍾意清酒海鮮鍋同埋醉雞鍋底，佢哋嘅中藥味比較濃，我都係鍾意呢一種味道嘅湯底。
講到食材方面今次我哋叫咗海鮮拼盤，雖然份量唔夠四個人一人一件，不過海鮮都算新鮮同埋大隻。不過個人來講打邊爐煮海鮮真係唔係好識掌握火候，有陣時煮得太熟又縮到好細，又會硬，不過朋友鍾意。
海鮮拼盤
$368
54 views
0 likes
0 comments
對於食肉獸嘅我就好鍾意牛頸脊同埋個羊肉片啦。牛頸脊真係比肥牛好食好多，牛肉脂肪比例啱啱好，牛肉味重，口感亦都岩岩好。唔會太肥/太瘦，以後打邊爐都淨係叫呢個部位。
頂級安格斯牛頸脊
$188
41 views
0 likes
0 comments
羊肉片都好抵食，一碟都有好多片，羊肉味濃但唔算太騷，好容易接受。而且我鍾意佢唔算切得好薄，唔會涮完之後縮到好少同散開，呢個口感我比較鍾意。
蒙古涮羊片
$68
27 views
0 likes
0 comments
除咗肉類，佢都有好多唔同種類好有特色嘅丸，例如七星報喜，整體來說佢都係墨魚丸，不過每款都加左其他食料另佢地唔同色，每一粒都係唔同味道，我哋好似玩遊戲咁每日食一粒就要試吓佢係用咩整，都有唔同嘅驚喜。
7星報喜
$88
47 views
0 likes
0 comments
另外仲有黑啤熊，我哋一開始以為係用黑啤整嘅丸，但係點知原來係佢個賣相係成隻熊本熊咁，可愛得黎又有d詭異，其實佢都係一個墨魚丸。
黑啤熊
$88
55 views
0 likes
0 comments
另外我哋仲叫左兩款餃，一款係黑松露蝦蟹餃，呢款我好鍾意，因為一咬落去已經好香黑松露味，而餡料亦都好充足，好多蝦膠同蟹肉係入邊，係一個幾值得試嘅餃子。
黑松露蝦蟹餃
$88
35 views
0 likes
0 comments
另外嗰款就係叫做三平福袋，佢有三款唔同嘅福袋，黃色個款係入邊係牛肉球餡，白色個款係暗春蛋，第三款好似係墨魚餃。呢幾款都幾特別，成粒蛋係個福袋入面都係第一次食。
三拼福袋
$160
38 views
0 likes
0 comments
我好記得呢度嘅響鈴，上次食過都食過返尋味，因為佢係有紫菜係入邊嘅，冇乜地方嘅響鈴會咁樣整，所以一定要試。
紫菜響鈴卷
$58
30 views
0 likes
0 comments
蔬菜拼盤都好值得叫，好平嘅價錢有好多好多好多款唔同嘅菜，就算食其他嘢食唔飽，食晒呢盆菜都一定會飽。（雖然我未食材已經好飽啦。）
蔬菜拼盤
$58
47 views
0 likes
0 comments
竹蔗茅根
$26
37 views
0 likes
0 comments
Post
