茶王冰室 (皇后大道中) (Closed)

香港奶茶聞名中外, 相信大部分香港人由細飲到大,  十年前為咗飲杯奶茶王可以特登出屯門洪水橋茶記食個tea, 今日同樣為咗2019年新鮮出爐嘅金奶茶王~ 梁師傅出中環中心的茶王冰室食tea。樽仔凍奶茶由金茶王梁師傅主理的奶茶沖好後原汁原味入玻璃樽， 再放雪櫃冰鎮， 不經冰粒稀釋味道的冰鎮奶茶， 茶味更香濃, 也滑口非常，夠冰凍， 甜味適中，正！話時話…….飲呢樽奶茶好似隊緊酒 下午茶餐 ~ 炸雞髀配沙律經典組合, 醃至入味的雞髀即叫即炸, 色澤金黃, 真係秀色可餐, 怕外賣盒焗到我隻雞髀皮唔脆口, 還是選擇在冰室提供的長BAR 枱食埋先走雞髀炸得皮脆肉嫩, 雞髀肉汁豐富, 唔會炸到乾爭爭, 醃得入味, 很香口。傳統茶記甜酸沙律, 內有生果粒/粟米粒/甘筍粒, 酸酸甜甜很清膩， 炸雞髀絕配。順帶一提， 茶王冰室鼓勵回收奶茶樽循環再用， 只要洗乾淨奶茶樽回樽便可儲印仔， 儲夠10個印仔送飲品一杯，奶茶樽經消毒後可重用， 支持環保， 讚！