White Button Cafe & Dessert (Closed)

舊同事結婚，新娘子揀左呢間尖沙咀既樓上cafe派炸彈比我地，睇menu同店名，佢應該係主打甜品，即係我地要留肚食甜品啦～由於隊長早到，所以有機會由頭到尾look一次個menu，佢d野飲同甜品既賣相又真係幾吸引，不過都要等埋其他人黎到再決不。終於黎多幾個人，由於太肚餓，我地先叫個小食蜜糖法蘭克福腸，唔知我地太肚餓，定係佢甜甜地、腸邊又脆脆地，好惹味，碟野好快被我地清碟😛人齊可以叫main course，因為有人食唔到小食香腸，所以再叫番個小食拼盤、辣汁法蘭克福意粉，再加個carbonara，留肚食窩夫！可能個辣汁意粉，辣辣地，幾惹味，好快就被清碟！其餘個小食併盤同carbonara就普通，無特別。全晚重點既甜品 - 香蕉窩夫，黎到個樣甘雕凌既？仲有4塊窩夫配舊甘細既雪糕既？其實呢間樓上cafe都幾好坐，唔焗束，又唔困聲，我諗下次要試下有圖有真相既甜品會無甘失望。