Häagen-Dazs (Moved) New Location

天時暑熱，最好緊係食杯透心涼嘅雪糕，或者係飲杯冰嘅凍飲啦。經過Haagen Dazs門口，好自然地就俾佢”吸”咗埋去因為有d口渴，所以今日叫咗杯”沙冰”，$45一杯，叫做香芒迷情。見服務員先倒入果汁先生，跟著放d冰粒，再加一個雪糕球，好似係芒果味之類，跟著就放上攪拌機攪，攪咗數十秒，已經ok咗，倒咗入隻外賣杯，再放一個芒果熱情果雪糕球係面，再加兩片桃，就完成啦。入口唔太甜，因為冇加糖漿，不過絕對係飲到果汁先生嘅味道，反而芒果雪糕味唔多夠，作為一杯天熱解暑嘅飲品，都ok，不過價錢就貴咗d。