開花結果 (榮吉工業大廈) (Moved) New Location

今日同朋友去咗食開花結果，朋友話想食健康啲，1:00去到要排隊，兩個人要排七張枱，大約10分鐘到我哋。入到去，阿姐完全唔比時間你，就想已經叫你落單，不過咁多人，我都理解。好快就到齊晒啲餐，但係個問題係，我叫香芒 雞肉  牛角包加沙律，但係我同朋友喺牛角包入面都睇唔到雞肉，之後我都想問一問亞姐，一條條疑似係雞肉絲嘅物體，係唔係就係雞肉， 但係朋友嘅火雞肉係一片片嘅，但阿姐話係呀係呀。。。即刻有種俾人呃嘅感覺，大家可以平下理，有圖有真相。不過好嘅係，佢冇趕你走，最多只係你食完好快就拎走你隻碟。