一君士多 (Closed)

早一個禮拜喺無線電視『東張西望』見到介紹藝人鄧一君嘅『一君士多』，有豪華車仔麵吃，而對我來講，最重要係有香蕉船吃，事關呢個係我細個時嘅回憶呀。今日約咗朋友來到位於尖咀堪富利士道嘅一君士多，我哋點咗以下食物，分别有主食霸王麵，小食芝士蘑菇雞翼，炸蟹鉗，一君炸蛋，飲品就有龍眼冰，薄荷梳打，仲有甜品香蕉成熟船。霸王麵内材料有鮑魚，廣岛蠔，花菇，花膠，仲有今日由帶子取代了原本應有嘅蝦。98蚊可以吃到咁富貴嘅車仔麵，唔錯吖。鷄翼去骨，芝士蘑菇釀喺其中，非常香口好味，推介畀懶人一族蟹鉗及炸蛋亦係香噴噴，熱辣辣。香蕉船令我返番去童年嘅回憶，雪糕球揀咗荔枝及雲呢拿味，好吃，吃到停唔到口。