Video
Read full review
2017-09-01
4016 views
雖然我未去過馬來西亞，而呢度d味道我亦唔知似唔似馬來西亞果d，淨係知如果要天時暑熱坐喺後巷食嘢，d溫度應該都幾似喺馬來西亞。哈哈！不過，話時話之前行過呢度都想試，就係見佢淨係得則邊後巷座位，所以無幫襯到，點知原來佢有樓上冷氣房架！好啦！今日就試下佢啦！佢呢度係好似快餐店咁，喺樓下睇menu、點餐、比錢，跟住就會有姐姐送上去樓上比你。樓上冷氣房細細，普通閣樓，因為太多客人所以冇特別影相。但值得一提嘅係，樓下入口超勁黑，推門入去果下我勁驚有小強!而且入到去條樓梯都係暗暗嘅，好似有d 恐怖。好彩只係上一層樓，冷氣房門口都光光猛猛！小店有粉麵、喇沙、飯、小食同飲品，價錢都幾大衆化，一碗細粉或者飯30 至 35蚊，大碗就40 至 45蚊，小食最平15蚊就有交易。仲同兩間外賣速遞有合作，方便附近做嘢嘅人叫外賣！檳城香炸海滷肉卷外貌有d似齋舖d素菜卷，雖然外層都係用腐皮包住，但入面個餡當然唔係椰菜絲呀粉絲甘筍絲之類啦，入面全部都係切到細細粒嘅豬肉、沙葛同芋頭。味道其實唔錯，沙葛清甜爽口，中和咗炸過嘅油膩，而且腐皮雖然炸過，唔會食到成口油，不過如果再熱d就更加好！辣醬個人認為麻麻哋，可以唔點。招牌老鼠
不過，話時話之前行過呢度都想試，就係見佢淨係得則邊後巷座位，所以無幫襯到，點知原來佢有樓上冷氣房架！好啦！今日就試下佢啦！
佢呢度係好似快餐店咁，喺樓下睇menu、點餐、比錢，跟住就會有姐姐送上去樓上比你。樓上冷氣房細細，普通閣樓，因為太多客人所以冇特別影相。但值得一提嘅係，樓下入口超勁黑，推門入去果下我勁驚有小強!而且入到去條樓梯都係暗暗嘅，好似有d 恐怖。好彩只係上一層樓，冷氣房門口都光光猛猛！
小店有粉麵、喇沙、飯、小食同飲品，價錢都幾大衆化，一碗細粉或者飯30 至 35蚊，大碗就40 至 45蚊，小食最平15蚊就有交易。仲同兩間外賣速遞有合作，方便附近做嘢嘅人叫外賣！
檳城香炸海滷肉卷
外貌有d似齋舖d素菜卷，雖然外層都係用腐皮包住，但入面個餡當然唔係椰菜絲呀粉絲甘筍絲之類啦，入面全部都係切到細細粒嘅豬肉、沙葛同芋頭。味道其實唔錯，沙葛清甜爽口，中和咗炸過嘅油膩，而且腐皮雖然炸過，唔會食到成口油，不過如果再熱d就更加好！辣醬個人認為麻麻哋，可以唔點。
招牌老鼠粉 (大)
樓下阿姐話老鼠粉則係銀針粉，可能唔同地方有唔同叫法。初初睇仲以為佢係炒粉，點知後尾送到上嚟先知原來係撈粉。配料有豬肉碎同豬肉腸，其實唔係好分到邊d係豬肉腸，因為d色差唔多。再淋上東南亞一帶好like用嘅黑醬油、甜豉油、胡椒粉等等，灑上蔥花撈埋一齊食。味道有d似新加坡嘅黑蘿蔔糕，因為都係一樣用黑醬油。略嫌老鼠粉比較淋身，可能係煮定晒再返煮嘅關係。不過，以呢個價錢同上餐速度嚟講都算係咁上下。
玻璃魷魚通菜呢個睇落做法簡單，好似將玻璃魷魚同通菜煮熟，淋上醬油同炸蒜，但出奇地好味。其實呢種做法又係喺新加坡好普遍，果邊就多數用短肥嘅芽菜仔墊底，嚟到香港就改咗用通菜。
通菜又叫空心菜同蕹菜，因唔同嘅種植方法分為水蕹同旱蕹兩種，呢種係旱蕹。每年五月至九月都係通菜嘅當造期，其實而家無論咩時候都好似食得到，因為通菜一直非常受大家歡迎，尤其是食泰國菜就必定有飛天通菜。記得媽咪話8月後就盡量食少d通菜，因為8月後食通菜會好容易抽筋。原來實情唔止8月後食會容易抽筋，係咩時候食食得多都會。原因係通菜含有草酸的成分，草酸會影響鈣質的吸收，導致血鈣的含量減低，長此落去會令體內的鈣質不足。有研究認為血液中的鈣水平令量低，會容易引發抽筋。所以坊間就稱通菜為抽筋菜。
雖然係咁，但通菜其實好有益，佢含有豐富纖維可以幫助便便，防止便秘。除此之外，佢含有大量胡蘿蔔素，而胡蘿蔔素本身係一個抗氧化嘅營養素，可以中和自由基，達至抗衰老嘅功效。另外，佢含有豐富鉀質，有助降血壓，亦可以維持心跳率正常，對保持神經系統健康好有幫助。不過都係果句啦，食幾多大家適可而止啊！
愛他愛她呢個係馬來西亞嘅代表美色之一，個名好攪笑!佢係將魚肉蓉混合咗好多香料，放入香蕉葉烘烤而成。魚肉淋身，薄薄一片，食落有陣陣嘅香料味，但唔多覺似魚。呢個我估係即點即烘，由我哋落單到佢送到上嚟差唔多等左20mins，仲係熱熱地架！
檳城亞參叻沙
原先想食"辣死你嗎"(椰漿飯)，不過都係揀食叻沙。但因為我無睇清楚menu 上嘅簡介，叫咗呢個全晚唯一一樣無食晒嘅叻沙。
首先，未嚟呢度食嘢之前我以為叻沙只係得一種，就係我平時食開咖哩味果種，但原來叻沙有非常多不同嘅種類，不同族群同地方對於叻沙嘅做法同味道都有極大差異。叻沙其實分4大類，咖哩叻沙、亞參叻沙、砂拉越叻沙同東岸叻沙，每類之下亦細分好多種唔同既味道，而我食開嘅就係屬咖哩叻沙類 。咖哩叻沙亦可細分成娘惹叻沙、加東叻沙、吉蘭丹叻沙、同叻參。呢類叻沙主要係用多種咖哩香料混合做湯頭，以米粉和各式黃麵為主，除了芽菜、莞茜同蔥外，唔會加其他蔬菜做配菜，會有豆腐卜、肉類或海鮮。
其次就係我哋以為叻沙都係預設咗配滲滲(則係油面+米粉)，所以喺無指定咩粉面款式之下佢比咗米線我哋。d米線當然係發漲晒，無彈性果種。
加上今次叫呢個係屬亞參叻沙，原來主要係用魚、蝦膏做湯頭，再配搭左菠蘿、青瓜、洋蔥，最最最總要係...有好多魚蓉，應該係沙甸魚蓉，因為我唔係所有魚都食，而沙甸魚對我嚟講係超級無敵鯹！所以...我食咗兩啖就無食，而男友好似食咗一啖就話唔想食。可能會啱其他人口味，但絕對唔係我哋兩個杯茶。
檸檬薏米水 & 柑仔話梅水
粉麵加13蚊配飲品，檸檬薏米水清清地唔太甜，薏米淋身幾大粒，唔錯!柑仔話梅水，酸酸甜甜，不過不失。
59 views
0 likes
0 comments
Post
