土司工坊 (佐敦薈)

Open Now

Now Closed

完job，行開佐敦，仲惆悵緊食咩，突然血糖低，嗱嗱淋搵個地方坐低食嘢先，見到吐司工房就喺前面，救星呀⋯非繁忙時間，店內約半滿，睇吓餐牌，呢度食物嘅選擇比以前少咗。好想食牛，叫咗巴東牛肉飯，跟凍檸茶。其實佢出名嘅係香滑奶茶丶咖啡，鴛鴦，不過呢日個肚仔唔舒服，唯有放棄奶類飲品。聞說做巴東牛肉嘅巴東醬係好考功夫，需要先將所有香料磨碎，再炒香，怪不得咁重香料味，呢個牛肉同香料已經融合一体，渾然天成一樣，牛味濃，肉淋，入口化開。乾身黃薑飯唔油膩，散發陣陣黃薑同香茅味道。伴菜係娘惹沙律，酸酸甜甜平衡返個巴東牛肉。滿足的一餐。