熱沙咖啡 (Moved) New Location

難得入到黎馬灣，緊係周圍行吓先啦，依到好似一個世外桃源咁，景色怡人，令我倍添浪漫而當中最重要就要身邊個伴💛願意陪我周圍去我地行完一輪，就知有少少肚餓，俾我哋發現咗一間幾有特色嘅餐廳餐廳門口佈置感覺好似去咗旅行咁樣，好有心思門口仲擺放左兩張櫈，供人relax同hea下咁tim 餐廳座位唔算多，一眼望晒大約有五六張枱，是主打土耳其菜式，一直我都對鷹嘴豆情有獨鍾。難得依度比我見到有依個，即刻就揀咗鷹嘴豆焗薯🥔配搭埋沙律醬同埋芝士一起吃，當堂覺得味道更加昇華左素雞包配沙律🥗素雞食落感覺好似雞肉，當中仲食到好似一絲絲雞肉咁嘅感覺，連知麵包都係純素黎。但味道同平時食到既無異。土耳其🇹🇷咖啡跟足傳統既做法，在熱沙上烹煮，透過銅壼將咖啡均勻受熱。土耳其黑咖啡油脂飽滿，但飲落順滑易入口。