氣噗噗

Open Now

Now Closed

今日去到呢一間位於喺馬鞍山嘅打邊爐，見到門口都有好多人排隊，所以朋友同我就決定入去試吓呢一間餐廳！而家天氣咁凍，最適合就係打邊爐！簡直冇得輸！餐廳有三個唔同嘅套餐！我哋揀咗中間嗰個！價錢嚟講都唔算太貴，合理價位！餐廳係主打台式嘅火鍋，有出邊好多唔同台灣嘅小食同埋飲品，最吸引當然係佢嘅麻辣鴨血，非常好食，我同朋友忍唔住食咗好多件！仲有台式香腸，關東煮，肉燥飯同埋台式嘅撈麵！台式嘅香腸非常厚實，味道都唔錯！飲品都係任飲，套餐會包一杯台式飲品，另外嗰啲就可以出去自己拎，我就揀咗烏龍茶，簡簡單單！牛肉嘅質素覺得唔錯，係美國嘅特選牛板鍵，唔會話好肥，而且肉味十足，加埋壽喜燒湯底嘅配搭真係非常好食！而且冇漏單嘅情況，叫幾多比幾多，食咗幾碟，簡直就係正，羊卷肉我哋都有試，唔會話有蘇味，整體質素都唔錯！上等豬梅花就正常發揮，鍾意食豬肉嘅朋友都可以叫！另外佢仲有好多唔同即叫即刻整嘅小食，私心推介地瓜丸，非常有台灣特色！鹽酥雞球，每一份有兩件亦都好惹味，鍾意食嘅朋友不能錯過！潮汕牛肉丸就每一粒都非常爽口彈牙，而且非常juicy! 忍唔住encore咗幾次！鍾意食海鮮有我哋當然有叫到佢哋海鮮，青口嘅味道都唔