氣噗噗

Open Now

Now Closed

今日經過馬鞍山見到開咗間新嘅台式火鍋店,又有啲餓,所以就入左去食午市90分鐘精選吃到飽。2個人食揀咗中華豚骨湯同埋十全排骨湯。豚骨湯真係有原舊大牛骨係入面，而個大全排骨湯亦都好濃厚嘅藥材味散發出嚟。坐低後店員好快就將湯底送上，同時會將豬，牛及雞先上一碟，唔夠嘅就可以scan QRcode再落單。而唔想等嘅朋友仔呢就可以首先去到自助區嗰度攞啲嘢食先！自助區就有前菜，熟食區，蔬菜區，飲品區同埋甜品櫃，當中有不同嘅炸物或者關東煮我就夾咗啲關東煮試下，熱辣辣，亦都唔會浸到冧哂夾唔起。食完前菜就梗係去試下啲牛同埋豚肉啦，雖然揀咗最平嘅精選吃到飽，但啲牛五花嘅質素都好高，唔會話太肥同埋厚薄都剛剛好。總括嚟講呢一度嘅食物質素唔錯，性價比幾高，而且裝修得非常之舒服做位同座位之間都夠晒寬敞！