Video
Read full review
2022-11-13
600 views
其實就咁講免糖漿西多以為冇乜特別，其實佢個texture 同出邊食嗰啲真係爭好遠㗎!未試過真係要去試一次。不過可能我本身都唔係好號西多士，所以短時間內未必會選擇再去，而且路程都幾遙遠。因為一對長輩夫婦朋友話佢地之前去過幾次想食都冇機會食到，今次就係專登相約美食四人組齊齊食一次，真係專登搭車入去食完就走果隻😅佢哋長者兩蚊搭車真係好爽。已經問好晒幾點開始有得賣，校啱晒時間所以一去到就有位坐，平時最細食嗰位已經急不及待叫咗三份西多士、兩份油英多同兩份蛋牛治烘底😱😱😱當其時大約一點鐘，雖然大家都未食早餐姐，但係我心諗都好似有啲誇張，佢老公之後都話其實可以叫少一份西多士🤪傳統嘅鐵皮屋設計，我真係對呢啲古董情有獨鍾，平時去開嘅炳記已經係一個例子。先黎油英多，一直都好想知道油英多即係乜嘢多士，應該都係咖央多啲friend。原來有分鮮油英同普通油英，我哋叫咗普通油英，點知原來話鮮油英多先至最好食😵💫！流晒啲油出嚟，唔止好食仲好肥添😜跟住就係蛋牛治烘底，暫時本人覺得都冇乜好特別。 即至到上西多士！佢唔似平時四四方方起角嘅西多，質地軟軟腍，有啲似French Toast中間夾咗啲咖央醬。所以其實佢唔使加
因為一對長輩夫婦朋友話佢地之前去過幾次想食都冇機會食到，今次就係專登相約美食四人組齊齊食一次，真係專登搭車入去食完就走果隻😅佢哋長者兩蚊搭車真係好爽。
已經問好晒幾點開始有得賣，校啱晒時間所以一去到就有位坐，平時最細食嗰位已經急不及待叫咗三份西多士、兩份油英多同兩份蛋牛治烘底😱😱😱當其時大約一點鐘，雖然大家都未食早餐姐，但係我心諗都好似有啲誇張，佢老公之後都話其實可以叫少一份西多士🤪
傳統嘅鐵皮屋設計，我真係對呢啲古董情有獨鍾，平時去開嘅炳記已經係一個例子。
先黎油英多，一直都好想知道油英多即係乜嘢多士，應該都係咖央多啲friend。原來有分鮮油英同普通油英，我哋叫咗普通油英，點知原來話鮮油英多先至最好食😵💫！流晒啲油出嚟，唔止好食仲好肥添😜
跟住就係蛋牛治烘底，暫時本人覺得都冇乜好特別。 即至到上西多士！
佢唔似平時四四方方起角嘅西多，質地軟軟腍，有啲似French Toast中間夾咗啲咖央醬。
所以其實佢唔使加糖漿都已經夠甜，雖然面頭正常加咗少少牛油俾你，不過我覺得唔使加已經好夠油囉😙🤣
雖則係幾好味同幾特別，不過三件四個人分都真係有啲多咗。
至於飲品方面，我杯凍奶茶少甜就似乎甜咗啲，茶味都夠嘅。
長輩先生話好飲過炳記嗰啲，茶底夠濃。
整體來講都OK嘅，不過又未至於佢哋講到咁好味😝
免糖漿西多士
23 views
0 likes
0 comments
油英多
46 views
0 likes
0 comments
Post
