Video
Read full review
2023-06-18
341 views
🧭地點唔算近地鐵站， 不過會展站沿住天橋行5分鐘就到，仲有瓦遮頭，就算落雨都唔怕。呢度已經開左好多年，前身係"兜記即燒乳豬專門店"->"勝記"->再到而家叫"盛記"，雖然轉左3次名，名字稱呼不同，但同樣，都係以即燒乳豬馳名👍好似好多間燒臘舖都係有佢供貨，瞄到個廚房一隻一隻乳豬吊住，好震撼！餐廳好爆場，平日都勁多識食老饕黎呢度食，遇著特別日子，例如父親節呢d時間，又或者一大班人嚟，記住一定要預早book位！茶壺、茶杯印花清雅、有自家logo，茶亦比一般酒樓香幾倍！從茶具同茶葉質素，已經對餐廳水準有個定位。職員亦非常有禮貌。除左乳豬之外，燒鵝亦係呢度嘅招牌推介！🥢🦆盛記燒鵝皇(下庄)$198好高質嘅燒鵝，皮燒得爽脆，鵝肉鮮嫩，唔會太肥，唔會好似出面食咁樣勁大舊肥膏。🥢欖角冰梅骨$168件件骨都大大件、啖啖肉，個梅汁酸酸甜甜，超級好食，一定要試！勁度推介！🥢海蜇燻蹄$88海蜇大條爽脆，調味有少少微辣、微甜，燻蹄肥瘦適中，分量都幾多，性價比高！呢度仲保留一個傳統酒樓特色，就係有～糖～水～送～！🤩正！😋今日係綠豆沙🟢🫘🥣🥰 綠豆沙好足料，唔係好甜，清熱消暑，呢d時候食啱晒！雖然
不過會展站沿住天橋行5分鐘就到，
仲有瓦遮頭，就算落雨都唔怕。
呢度已經開左好多年，
前身係"兜記即燒乳豬專門店"->"勝記"->再到而家叫"盛記"，
雖然轉左3次名，名字稱呼不同，但同樣，都係以即燒乳豬馳名👍
好似好多間燒臘舖都係有佢供貨，
瞄到個廚房一隻一隻乳豬吊住，好震撼！
餐廳好爆場，
平日都勁多識食老饕黎呢度食，
遇著特別日子，例如父親節呢d時間，又或者一大班人嚟，記住一定要預早book位！
茶壺、茶杯印花清雅、有自家logo，
茶亦比一般酒樓香幾倍！
從茶具同茶葉質素，
已經對餐廳水準有個定位。
職員亦非常有禮貌。
除左乳豬之外，燒鵝亦係呢度嘅招牌推介！
🥢🦆盛記燒鵝皇(下庄)$198
好高質嘅燒鵝，
皮燒得爽脆，鵝肉鮮嫩，唔會太肥，
唔會好似出面食咁樣勁大舊肥膏。
🥢欖角冰梅骨$168
件件骨都大大件、啖啖肉，
個梅汁酸酸甜甜，超級好食，一定要試！
勁度推介！
🥢海蜇燻蹄$88
海蜇大條爽脆，調味有少少微辣、微甜，
燻蹄肥瘦適中，
分量都幾多，性價比高！
呢度仲保留一個傳統酒樓特色，
就係有～糖～水～送～！🤩正！😋
今日係綠豆沙🟢🫘🥣🥰
綠豆沙好足料，唔係好甜，
清熱消暑，呢d時候食啱晒！
雖然價錢，尤其小菜，定價較一般酒樓高，
但絕對係高質中菜！
一家人慶祝/一大班人想食高質中菜既推介！👍👍👍💖
Post
