和順記 (新威大廈) (Closed)

係全港有幾間分店嘅和順記可謂生炸雞髀🍗名店，想試好耐但一直未有機會，呢日同事舉手終於可以試下。中環分店午市好旺場🔥都要排一陣隊。馳名生炸雞髀估唔到都有多款口味選擇，好似咸蛋黃、麻辣、咖喱、沙嗲、黑椒等。除咗雞髀都有其他普通茶記食物。神級生炸雞髀皇煎蛋飯／黑椒汁上枱時真係驚嘆🙀真係好大隻👍🏻金黃色嘅外皮果真幾吸引。切開啖啖肉帶點肉汁💦唔算好嫩滑但亦唔嚡。醃料味道唔係太香口惹味，唔算十分喜歡，但勝在有一種切極都仲有嘅滿足感。黑椒汁好杰身，經典港式茶餐廳口味，送飯一流😛😛人均消費：$70推介指數（10分為滿分）：8分