和順記 (新威大廈) (Closed)

第一次食和順記今次路過中環，咁岩仲有下午茶時間，平時覺得呢個價食隻脾有點少貴下午茶脾+薯條$60又reasonable 依家好多旺區冰室既tea都咁上下價位了當日兩位職員都有效率，其中一位姨姨態度好好生炸雞脾一開始驚要等好耐但其實都幾快就有炸脾好夠熱，但冇想像中咁大，佢面積大係因為𠝹開左隻脾...味道適中，唔會過咸，但肉質鞋......優點係雖然炸但唔會太油膩，唔會覺得好劣質既炸品薯條份量多，但一般，雖然同樣唔油膩，但冇外酥脆內軟既口感，有幾條仲要爽口

途經中環搵食，俾餐廳嘅相吸引左，見佢又唔使排隊，入！首創麻辣香煎雞扒煎蛋飯 - 見佢幅圖咁靚就叫啦，點知....喂呀！貨不對版喎！只係一塊大塊雞扒上面鋪咗少少麻辣汁 ，豉油又唔見得出特別。神級鹹蛋黃雞脾重煎蛋湯公仔麵 - 一隻大大髀嘅雞髀加鹹蛋黃炸，要話好香口啦，唉...有油益味喎😵‍💫😵‍💫如果無試過，可以一試無防。不過唔會返炒囉。

第一次入去叫外賣，都係正常唔係特別多人，但就叫極都冇人應。終於有個職員有反應，我話叫個炸雞比煎蛋飯外賣，點知有個內地堂食客叫職員話要加野，個職員就立即掉頭走左冇再理我。可能要專心照顧尊貴的內地旅客，本地人都唔駛理。算，終於叫到另一個職員應我話要炸雞比煎蛋飯，個職員好似有燥狂症，不停好燥咁喝住我，要我指住個餐牌話即係叫邊個。又問我要飲咩，我問係唔係雞比飯送野，佢話係。咁比完錢叫佢比張單，佢話“冇呀！”。我照企喺度等到佢比單我。一睇完來飲品另計，同佢再講話佢頭先話叫雞比飯包埋嘅?佢反口話冇咁嘅事。原來外賣有9折，可能見多左內地客人幫襯就唔歡迎本地人買外賣。屈我叫左杯飲品就底消左個折仲比突。好無良。咁嘅服務態度，入去仲要比人屈比人串。唔好再幫襯。

From the staff’s chitchats I noticed that this restaurant has been trendy on XHS these days. I came for their signature deep fried chicken leg QUEEN SIZE. (You can go for the marinated version based on your preference too.)It’s tea time so the set came with a free drink of choice. You can pair the chicken leg with French fries or green salad. Let’s go all in and have the fries- they were the crinkle cut, hot and fresh. Heinz ketchup to serve with the potatoes. Very delicious and absolutely crunc

逼我要開個acc黎差評點餐用QR code已經要扣分，版面太多說明，真正餐點選項show得兩行極窄好難睇。科技既不方便又欠缺人性，同枱朋友叫到早餐但我自己揀耐左，搭正11點半系統已經無得叫早餐，問伙記可否直接人手落單，掉低句lock左機無得幫你嗌，何其反智。朋友叫左個沙嗲牛麵早餐，待應放低果下以為黎錯左，完全唔係大眾認知既沙嗲牛，牛肉淡黃色無芡汁極奇怪，朋友話味道就係有d肉有d菜（無錯！沙嗲牛麵有堆椰菜係到！食左幾十年都未遇過）唔識形容，但未算難食；我嗌左杯鴛鴦無茶味又無咖啡味... 唔怪得星期六近中午時段，成條街得佢唔使排隊咁滯聽執罷啦

我都唔記得對上一次寫食評係幾時，但今次要寫係因為同一間舖，隔咗1年再去幫襯 (前後夾埋共2次) 估不到質素可以咁不濟。係香港搞飲食業真的不易，希望老闆睇到會關注一下，以免影響生意。一家三口入去，坐低用手機點了3個早餐，都食公仔麵。無幾耐，不停有客人入來，他們遲過我們點食物，但食物全部都俾我們先到，先食。有位等外賣的客人等到發忟憎，大叫：可唔可以快啲？3位職員，企係出食物窗口位前，動也不動。隔離枱其中一位女食客點餐後，同侍應講：我個早餐福麵淥爽啲呀？侍應：係咪唔好淥咁熟？硬身啲？女食客：係！正奇怪點解會提出唔好淥啲麵的要求？阿女碗麵到了，正常。到我同老公碗麵到了，就明白點解隔離台女食客會提出唔好淥咁熟了。碗麵淥到軟到成一 pat, 漿住晒，夾起時，麵很重，因為湯和麵已漿在一起。有諗過要求更換，但因為趕時間只好算啦，拿拿林食完就離開。埋單時，向女職員反應麵煮得太耐了，但了一聲，並叫我們，我們還以為她會講 之類的客套話，點知她只說116元，收完，多謝也無講一句。第一次幫襯中環和順記是它肆業期間，叫甚麼？無甚麼？因為新開張，覺得還可以接受，但開業超過一年，水準竟然還不穩定。也去過銅鑼灣和順記堂

係全港有幾間分店嘅和順記可謂生炸雞髀🍗名店，想試好耐但一直未有機會，呢日同事舉手終於可以試下。中環分店午市好旺場🔥都要排一陣隊。馳名生炸雞髀估唔到都有多款口味選擇，好似咸蛋黃、麻辣、咖喱、沙嗲、黑椒等。除咗雞髀都有其他普通茶記食物。神級生炸雞髀皇煎蛋飯／黑椒汁上枱時真係驚嘆🙀真係好大隻👍🏻金黃色嘅外皮果真幾吸引。切開啖啖肉帶點肉汁💦唔算好嫩滑但亦唔嚡。醃料味道唔係太香口惹味，唔算十分喜歡，但勝在有一種切極都仲有嘅滿足感。黑椒汁好杰身，經典港式茶餐廳口味，送飯一流😛😛人均消費：$70推介指數（10分為滿分）：8分

中環打工仔OT完梗係要食嘢先今次收工行至威靈頓街 睇到呢間茶餐廳，被炸雞髀吸引入去 好邪惡嘅夜間覓食 附上餐牌叫咗芝爆豬扒西多士真係第一次見到呢種搭配很surprised 68hkd 最上面係蔬菜沙拉，沙拉汁酸甜口味，豬排嵌在西多士上，很有KFC炸雞嘅味但又唔覺得油膩。西多士爆漿拉絲外皮略脆裏面柔軟嘅口感 幾抵食鹹蛋黃炸雞髀配煎蛋飯 78hkd好大份雞髀 塗有一層濃郁嘅鹹蛋黃，仲配咗煎蛋飯 一個人根本食唔嗮仲有好多下次中午去嘗試晚餐食真係好罪惡，但係有誰可以抵住誘惑呢 工作就係需要熱量炸彈安慰下

試咗呢到嘅炸雞扒公仔麵，同咸蛋黃炸雞髀，我覺得味道真係唔差。炸雞扒公仔麵，炸雞扒外脆內嫩，都幾多汁。公仔麵湯底雖然清啲但，配上炸雞扒，真係一絕。而咸蛋黃炸雞髀真係令我驚艷，炸雞髀煎得金黃酥脆，帶有微微咸蛋黃嘅香味，咸蛋黃嘅滋味好出，好似係店入面嘅招牌，個個都會叫，炸雞髀本身肉質鮮嫩多汁，加上咸蛋黃嘅調味，真係令人難以抗拒。而且，兩款嘅份量都好足夠，食完一份就好飽肚。總括嚟講，呢兩款炸雞扒真係唔差。公仔麵嘅炸雞扒配搭得天衣無縫，味道鮮美。如果你鍾意炸雞嘅絕對要嚟呢間試下。

天氣咁凍最岩就食啲熱辣辣嘅邪惡嘢，最出名食雞脾嘅和順記最近係中環新開左，就同埋一班同事去食喇🥰🐓巴蜀雞脾皇煎蛋飯（$68）雞脾份量超大，差唔多有成個手掌咁大😍 而巴蜀香辣粉亦好平均咁黐實晒係炸雞皮到，啖啖食落都有恰到好處嘅巴雞香辣粉味☺️而炸雞脾嘅炸粉都唔會話好多，雞皮加埋雞脾肉咁一啖食落都唔會話會有好多嘅炸粉，高質😋🍗滷水雞脾皇煎蛋飯（$68）滷水雞脾份量一樣係咁大😍而且色澤好靚，食落滷水汁都醃得好入味🥰肉質都醃得好淋，好易就切開晒👍評分：⭐️⭐️⭐️⭐️/5人均消費💰：~$70📍 和順記 (新威大廈) (中環)中環威靈頓街112-114號新威大廈地下A號舖

早前在公司附近發現這間新開的食店，名字叫「和順記」，相信大家也應該不會陌生，據說這裏最出名就是炸雞脾。但早餐時段還是吃清淡一點吧，選了「蕃茄濃湯雞扒太陽蛋出前一丁」。雞扒外皮煎得香脆，肉質鮮嫩多汁，的確很不錯；其它食材就普普通通。但這杯「茶走少甜」就真係唔合格了，淡而無味，連煉奶香也沒有，喝了一口便立即放棄。#出前一丁都可以煮到咁腍 ？#真係出前一丁 ？#和順記 (新威大廈)地址: 中環威靈頓街112-114號新威大廈地下A號舖電話: 28683389

我食油肶，個雞肶真係好大既，但得個大字，D肉一D都唔好食，個質感好怪，仲衰過7仔叮叮雞肶，個價錢又貴，另外兩個朋友食炸肶，個皮係OK既，其中一個唔知係咪隻雞肶比較細，仲補左塊雞扒比佢，但都唔影響D肶個肉質太垃圾

和順記的蕃茄湯雞扒烏冬給人留下了深刻的印象。雞扒的口感認真唔錯，嫩滑多汁，大件兼有咬口，係呢碗面最大嘅賣點。它讓我回味起初戀的感覺。不過，蕃茄湯的味道不夠濃郁，令人有少少失望。不過，搭配雞扒的話都還算可以接受。從食材的質量來看，可以看出他們是挑選過的，再加上他們的處理方式，真的有一定水準。唯一的小缺點就是環境有點擁擠狹窄。畢竟中環這個地方人流量很大，地方細都係情有可原。如果喜歡雞扒烏冬的朋友，不妨去試試這家店。

試左這間餐廳2次，第一次見好多人，所以先試左個常餐，常餐係藥膳鮮豬潤米粉配雞肉奄列和丹麥吐司。首先黎到的係藥膳鮮豬潤米粉，鮮豬潤份量不算多，味道還好又不會太乾，但藥膳湯底沒什麼特別。接下來是雞肉奄列和丹麥吐司，食完個米粉先黎，但雞肉奄列比想像中多餡料和好吃，丹麥吐司就有極多牛油，不是我的喜好。依餐另外發生左件事，就係有另一枱漏左單，等左成個鐘都食唔到炸雞髀煎蛋飯。到我第二次黎，我決定試下招牌的炸雞髀煎蛋飯，炸雞髀的外皮酥脆，內部肉質鮮嫩多汁，非常美味，仲要非常大隻，如果覺得唔夠味，仲可以點瑞士汁，這個午餐是一個令人滿足的選擇。總的來說，這家餐廳的招牌炸雞髀真係值得一試，鍾意炸雞髀的朋友不能錯過，但要比d耐性等下。

香港人由細食到大嘅地道美食——-生炸雞髀，竟然有專門店，喺食肆不斷消失嘅情況下，呢間不失為一個小小驚喜，令到追求有質素兒時食品嘅我，十分興奮！地方乾淨簡潔，食物美味，值得一試～