茶王冰室 (皇后大道中) (Closed)

公司同事叫外賣下午茶，附近有茶王冰室，所以試吓佢。😊茶王樽仔奶茶 跟餐+$20☕️叫得茶王，最大嘅selling point 一定係奶茶，點可以唔試。奶茶以樽仔裝，容量唔算太多，應該係預先沖好倒入樽。奶茶奶味較重，可能用咗煉奶。奶茶的確比一般茶餐廳嘅香滑，不過因為樽仔關係，無得揀少甜，如果少啲啲甜會好啲🙆🏻‍♀️。魚柳薯條 $42🍟正常茶餐廳水準，只不過塊魚柳較細，但口感還好，唔會太冧（價錢比較貴，可能因為中環）。薯條係粗身薯條，炸得唔錯。