新記煲仔雞粥 (Closed)

同朋友好耐冇食過粥，今日行過見到，就入左去試下。新記雞粥近元朗西鐵站，附近都有好多餐廳。我地叫左個招牌雞粥，好好食，雞唔會好鞋，煲嘅過程啲雞油出曬黎，令到個雞粥好香好有雞味，份量都幾多兩個人啱啱好食得晒，如果係男仔一個食都夠飽。炸両腸粉幾滑，就算上左枱一段時間都仲好香口，推介！炸魷魚鬚，超級推薦啊，好新鮮彈牙，唔會好厚粉，加上好大份，抵食啊！見到有個柑桔七喜幾得意就試下，啱啱甜甜咁幾得意，唔曬啲唔太鍾意飲甜嘢嘅朋友仔。