民豐粉麵行

Open Now

Now Closed

地點係街市正對面，都算易揾，而且排哂隊就更易認。店舖原來分兩條隊，但當時排隊只有一條，店員唔會分流亦唔會理你點排或比人打尖。第一次去嘅要注意，排糯米糍要去右邊條隊，其他咸食就排左邊。今次之行只想試糯米糍，佢有三個味，豆沙，花生同黑芝麻。每個$6，買得多會同你入盒。我買咗花生同黑芝麻味。每個糯米糍比較重身，皮薄得嚟好軟糯。黑芝麻磨得好幼細，比較似湯圓嘅filling,好食。花生味都磨得好細，花生味無咁重同無咩咬口，相對黑芝麻會更好食更香。