Video
Read full review
2018-02-19
7471 views
荃灣不嬲多嘢食，今次就深入三坡坊食心夜來潮。砂鍋粥好足料，有薑有蟹有蝦有芫茜有蟹膏，每一啖都食到。你會奇怪，蟹膏乜唔係淨係喺蟹入邊先搵到㗎咩？你冇睇錯，蟹膏係其中一樣餸！粥煲得好綿，值得一提嘅係用嚟裝粥嘅器皿好特別，食到最後啲粥仍然係好熱！啲蝦好大隻，超抵食。值得一讚嘅係佢啲蝦一早已經剝曬殼，啱晒我呢啲懶人！🙈廚師真係好細心～☺砂鍋卜卜蜆煲有大同細兩種size揀。叫咗個細size但係一黎——嘩！細煲已經咁大，咁大煲咪重大？！啲蜆多到就黎跌出黎！落埋芹菜同啲蜆一齊煲，蜆有芹菜香，同蜆肉嘅鮮味互相輝映。蜆係大大隻，一啲都唔同你慳！除左蜆同芹菜，重有粉絲，真係一次過滿足你三個願望呀！啫啫秋葵煲唔止食得重聽得！事關一上枱就「啫啫」聲，剩係聽聲就已經feel到溫暖。食過灼秋葵、啫啫雞煲，但就未食過啫啫秋葵呢個配搭啦。見隔離枱嗌，好奇嘅我就梗係要試下啦！秋葵切到細細條，食落口夠腍又爽，同鹹魚粒同甜紅椒同蒜一齊炒，口腔充滿香得過份的鹹魚香～重味嘅鹹魚同淡味嘅秋葵配搭得天衣無縫，鹹味被秋葵中和，整體味道不錯👍。涼拌魚皮點埋wasabi食，好似食魚生咁，爽口有鮮味。手打牛肉球湯底有d蔴醬味，幾特別，牛肉
砂鍋粥好足料，有薑有蟹有蝦有芫茜有蟹膏，每一啖都食到。你會奇怪，蟹膏乜唔係淨係喺蟹入邊先搵到㗎咩？你冇睇錯，蟹膏係其中一樣餸！粥煲得好綿，值得一提嘅係用嚟裝粥嘅器皿好特別，食到最後啲粥仍然係好熱！啲蝦好大隻，超抵食。值得一讚嘅係佢啲蝦一早已經剝曬殼，啱晒我呢啲懶人！🙈廚師真係好細心～☺
砂鍋卜卜蜆煲有大同細兩種size揀。叫咗個細size但係一黎——嘩！細煲已經咁大，咁大煲咪重大？！啲蜆多到就黎跌出黎！落埋芹菜同啲蜆一齊煲，蜆有芹菜香，同蜆肉嘅鮮味互相輝映。蜆係大大隻，一啲都唔同你慳！除左蜆同芹菜，重有粉絲，真係一次過滿足你三個願望呀！
啫啫秋葵煲唔止食得重聽得！事關一上枱就「啫啫」聲，剩係聽聲就已經feel到溫暖。食過灼秋葵、啫啫雞煲，但就未食過啫啫秋葵呢個配搭啦。見隔離枱嗌，好奇嘅我就梗係要試下啦！秋葵切到細細條，食落口夠腍又爽，同鹹魚粒同甜紅椒同蒜一齊炒，口腔充滿香得過份的鹹魚香～重味嘅鹹魚同淡味嘅秋葵配搭得天衣無縫，鹹味被秋葵中和，整體味道不錯👍。
涼拌魚皮點埋wasabi食，好似食魚生咁，爽口有鮮味。
手打牛肉球湯底有d蔴醬味，幾特別，牛肉球大大粒，食入口有點黑椒味，好香，唔會好難咬。
潮式炒飯有蝦乾、蔥、炒蛋、冬菇、魷魚等等，實在太多料啦，好抵食！最記得係我以為夾果舊係冬菇，點知原來係豬油膏！😹因為豬油膏切到好似冬菇咁呈長方形狀，真係比佢fake左！
牙籤雞顧名思義就係用牙籤穿住嘅雞，一口一啖，係爽嘅！點埋酸辣醬食就更滋味啦！
黃金炸饅頭四四方方，好得意（唔好問點解，純粹個人喜好）🙈。點埋煉奶，嗯～係幸福嘅滋味呀～☺饅頭炸到外皮好脆！熱氣？唔理啦，食左先算！
心夜來潮有圓枱又有方枱，要大張有大張，要細張有細張，心血來潮一班人黎食又得，同男女朋友拍住拖黎食又得，得左。菜式選擇又多，普通如家常便飯小炒到鐵板都有。裝修擺設都有股古代中國風，小至枱面嘅牙籤筒、餐牌到牆上嘅中國結同天花上嘅燈飾都充滿中國特色。值得一讚嘅係每張枱上都放有面紙，好貼心，最啱我呢d成日唔記得帶紙巾嘅人呀！
Post
