南角

Open Now

Now Closed

網上食評好壞參半，估唔到比想像中好。所以有啲嘢真係要自己親身去試。-𠵱間cafe嘅espresso tonic($48)超級凍🥶，解暑一流。佢入口酸爽，咖啡味濃👍，達致微妙平衡，仲有橙皮做點綴，增強清新感覺，好fresh，chill到爆。Cinnamon French toast 法式煎多士（$78)看似少貴，食完無投訴。麵包🍞切開熱到出煙，熱辣辣又軟熟嘅包先加十分，仲有面頭嘅焦脆蜜糖🍯，甜得嚟唔膩，夠香，同個包一拍即合。旁邊嘅幼滑忌廉都做到稱職配角。不得不提嘅係佢嗰個椰子雪糕🍦，夠實淨、椰子味好出、唔過甜，唯一可惜係⋯我仲可以食多球呀🎵最後要讚店員服務態度有禮，親切不擾人，好啱靜靜地休息半天。