Video
Read full review
2018-11-15
40 views
以前諗起灣仔啲酒吧，都會即刻聯想到喺駱克道嗰邊、有菲律賓姐姐侍應嗰種老土酒吧。前兩日同同事吹開水，佢哋講起原來而家近合和嗰邊有好幾間好似SOHO嘅型格酒吧，所以今日放工同女朋友行開去嗰邊就順便去飲杯野。揀咗呢間叫Kong 既bar 係見佢嘅格局casual啲，又似bar又似bistro 咁，可以睇下有咩好野食。門面用灰色調夠舒服，加左啲黃色鐵櫈又即刻成個感覺young返。所以見到喺入面既客人都以年輕人為主。一入去，一班店員都好熱情，又推介左幾款小食建議我哋試。攞起個Menu都覺得幾有趣，個封面係曾灶財嗰啲皇帝式嘅字，而且好多飲品同食物都玩好多廣東話嘅食字。好似女朋友揀個杯鹹+0🤣聽個名都好笑，落order時聽個鬼仔repeat order時仲好笑！不過話時話，杯鹹+0都幾好飲，少量vodka加埋咸柑桔水、少少薑汁同青檸mix埋幾夾。嘢食我哋就揀咗佢推介嘅蔥油餅，佢建議揀最少一款dip食，我地就揀左佢推介既士多啤梨乳清乾酪。個蔥油餅一上枱嘅時候又香又熱又脆，加埋啲蔥嘅香味已經好好食！再點埋個dip更加係絕配👍🏼個乳酪底唔算好酸，撈埋啲士多啤梨片真係好夾，而且個味道好清香，果香原來夾蔥油餅
揀咗呢間叫Kong 既bar 係見佢嘅格局casual啲，又似bar又似bistro 咁，可以睇下有咩好野食。門面用灰色調夠舒服，加左啲黃色鐵櫈又即刻成個感覺young返。所以見到喺入面既客人都以年輕人為主。一入去，一班店員都好熱情，又推介左幾款小食建議我哋試。
攞起個Menu都覺得幾有趣，個封面係曾灶財嗰啲皇帝式嘅字，而且好多飲品同食物都玩好多廣東話嘅食字。好似女朋友揀個杯鹹+0🤣聽個名都好笑，落order時聽個鬼仔repeat order時仲好笑！不過話時話，杯鹹+0都幾好飲，少量vodka加埋咸柑桔水、少少薑汁同青檸mix埋幾夾。
嘢食我哋就揀咗佢推介嘅蔥油餅，佢建議揀最少一款dip食，我地就揀左佢推介既士多啤梨乳清乾酪。個蔥油餅一上枱嘅時候又香又熱又脆，加埋啲蔥嘅香味已經好好食！再點埋個dip更加係絕配👍🏼個乳酪底唔算好酸，撈埋啲士多啤梨片真係好夾，而且個味道好清香，果香原來夾蔥油餅咁work! 唯一算係缺點嘅地方，就係塊蔥油餅一凍就會冇咁好食，所以要快啲食哂佢！
另外叫咗蓮藕片同埋炸雞皮，同樣有驚喜！個蓮藕片切到好薄同埋炸到好脆，第一下食落都唔覺得似蓮藕！但係真係好香口，而且佢落咗少少蔥花、同埋一個甜甜地嘅醬喺上面，送酒一流。炸雞皮亦都係另外一個好出色嘅小食，首先佢賣相已經好靚，一塊塊咋好嘅大雞皮放喺個碗嘅周邊，中間就放咗一隻中式嘅杯仔，用嚟裝一個好似千島醬嘅物體俾你點。第一眼望落去就此一大朵花係個碗入邊！雞皮無論就咁食、或者點將食都一樣好味，雞尾同油味都好香，但佢又唔會話食入口好油膩，好食！又係送酒絕配！
至於主食方便佢個menu暫時唔算好多，不過我哋兩個食下食下都飽咗七成左右，所以就叫多個腸粉食都應該夠啦。揀咗呢個車厘子可樂牛腩腸粉，聽到名就覺得怪怪地……但係黎到既時候又覺得佢賣相幾正常😂其實即係牛腩腸粉，用咗可樂加少少辣汁打咗個軒，在用咗啲韭菜同埋芽菜毯底，同埋幾粒煮過既車厘子啦。腸粉皮係有少少厚，但係入面個牛腩肉沾左個汁都好食。啲芽菜都係驚喜位，夾埋條腸粉一齊食提升到個口感。
總括一餐已飲嘢同小食為主，但係其實試咗幾樣小食加埋都幾飽肚。我哋都幾欣賞佢嘅創意同心思，其實帶外國遊客或朋友黎試下呢啲新派既港味fusion 菜都幾有趣，係值得一試既bar/餐廳。
Post
